გიორგი მიქაუტაძე უზენაესი სასამართლოს მოსამართლეების არჩევის პროცესზე - საბოლოო ჯამში, ვფიქრობ, რომ შეფასებები არის დადებითი, როგორც ქვეყნის შიგნით, ასევე ქვეყნის გარეთ

მე მესმის, რომ შესაძლოა, არსებობდეს გარკვეული სახის კრიტიკული მოსაზრებები უზენაესი სასამართლოს მოსამართლეების არჩევის პროცესთან მიმართებაში, მით უმეტეს, რომ ეს პროცესი პირველად წარიმართა ჩვენს ქვეყანაში, თუმცა საბოლოო ჯამში, ვფიქრობ, რომ შეფასებები არის დადებითი, როგორც ქვეყნის შიგნით, ასევე ქვეყნის გარეთ, - ამის შესახებ უზენაესი სასამართლოს მოსამართლედ არჩეულმა გიორგი მიქაუტაძემ ჟურნალისტებთან საუბრისას განაცხადა.

მისი თქმით, მოსამართლეების არჩევის პროცესი იყო მაქსიმალურად გამჭვირვალე, რათა საზოგადოებას სრულყოფილი სურათი ჰქონოდა აღნიშნულ საკითხზე.

„პროცესი იყო უპრეცედენტო, ასეთი საქართველოში ნამდვილად არ ყოფილა და მისი ანალოგის მოძებნა ალბათ გაგიჭირდებათ საზღვარგარეთაც. ძალიან ბევრი ქვეყნის პრაქტიკა შევისწავლეთ ჩვენ და ასეთი დეტალური რეგულაციები და ასეთი გამჭვირვალე პროცესი ვფიქრობ, რომ ძალიან იშვიათია. ეს იყო პირველად, როდესაც ასე წარიმართა უზენაესი სასამართლოს მოსამართლეების შერჩევა და როგორც საბჭოში, ასევე საქართველოს პარლამენტში ყველა შესაძლო კითხვა იყო დასმული კანდიდატებისთვის და ყველას ჰქონდა უფლება, რომ ამ პროცესში მიეღო მონაწილეობა. ჩვენ საკანონმდებლო რეგულაციების შემუშავების დაწყებისთანავე ჩართული გვყავდა ჩვენი საერთაშორისო პარტნიორები, მათ შორის, აშშ-ის წარმომადგენლობაც იყო ამ პროცესში ჩართული, ერთად ვიმუშავეთ როგორც საკანონდებლო რეგულაციებზე, ასევე შემდგომი პროცესებიც მუდმივი მონიტორინგის და ურთიერთშეჯერების საფუძველზე მიმდინარეობდა. მე მესმის, რომ შესაძლოა არსებობდეს გარკვეულ სახის კრიტიკული მოსაზრებები პროცესთან მიმართებაში, მით უმეტეს, რომ ეს პროცესი პირველად წარიმართა ჩვენს ქვეყანაში, თუმცა საბოლოო ჯამში, ვფიქრობ, რომ შეფასებები არის დადებითი როგორც ქვეყნის შიგნით, ასევე ქვეყნის გარეთ”,- განაცხადა მიქაუტაძემ.

ჟურნალისტის შეკითხვაზე, თუ ვინ გახდება უზენაესი სასამართლოს თავმჯდომარე, მოქაუტაძემ განაცხადა, რომ ყველა მოსამართლე, რომელიც დღეს არის განწესებილი უზენაეს სასამართლოში პოტენციურად შესაძლებელია, რომ გახდეს თავმჯდომარეობის კანდიდატი. „ამ ეტაპზე საბჭოში კონსტულაცტები არ მიმდინარეობს, ამიტომ წინასწარ მე თავს შევიკავებ სუბიექტური მოსაზრებისგან”,- განაცხადა მიქაუტაძემ.

იხილეთ ვიდეო

ნატა საბანაძე -  ჩვენი კანონი იმიტომაა „რუსული“, რომ ის ებრძვის დასავლეთს და მის მხარდაჭერას, მისი სამიზნე დასავლეთია, „ქართული ოცნება“, რუსეთის მსგავსად აღიარებს, რომ დასავლეთი მისი მტერია
ლევან დოლიძე - იმ ნაბიჯებზე ფოკუსირების ნაცვლად, რამაც უკვე შემდგომი პროგრესი უნდა მოგვიტანოს, ჩვენ თავად ვქმნით ახალ ბარიერებს ევროკავშირისკენ მიმავალ გზაზე
ქართული პრესის მიმოხილვა 15.04.2024
ცოდნა და გამოცდილება, რომელსაც საქართველო მსოფლიოს უზიარებს - რას საქმიანობს გიორგი ელიავას სახელობის ბაქტერიოფაგიის ინსტიტუტი დღეს?
გაიცანით კომპანია, რომელიც პროექტის „კოდინგის სკოლა 1500 ქალისთვის“ ბენეფიციარებისთვის დასაქმების შესაძლებლობებს ქმნის
ციფრული მარკეტინგი - მომავლის პროფესია
ალტე უნივერსიტეტის მიერ ორგანიზებული გლობალური ჰაკათონი - „Teens in AI 2024“ დასრულდა
მსოფლიო ბესტსელერი ფრანგული ბრენდები ფარმსახლის სააფთიაქო ქსელშია