"ტვ პირველის" გენერალური დირექტორის ინგა გრიგოლიას განცხადებით, ტელეკომპანიის ჟურნალისტისა და ოპერატორისთვის პროფესიულ საქმიანობაში ხელის შეშლის ფაქტზე გამოძიება 154-ე მუხლით დაიწყო.
მისი თქმით, ტელეკომპანიის ჟურნალისტისა და ოპერატორის დაკითხვა ცოტა ხნის წინ დასრულდა.
"ახლახანს დასრულდა პროცედურა. 154-ე მუხლით აღიძრა საქმე, რაც ჟურნალისტურ საქმიანობაში ხელის შეშლა გულისხმობს. "ტვ პირველის" ჟურნალისტზე და ოპერატორზე თავდასხმა უნდა გახდეს პრეცედენტი, რომ პასუხისგებაში მიეცემა ყველა, ვინც ჟურნალისტებს ასე მოექცევა, ბოლომდე მივიყვანთ ამ საქმეს", - აცხადებს ინგა გრიგოლია.
ცნობისთვის, "ქართული ოცნების" ღონისძიების დასრულების შემდეგ "ტვ პირველის" ოპერატორს და ჟურნალისტს ფიზიკური შეურცხყოფა მიაყენეს.