ნიკოლა სტერჯენი - არ შეიძლება, შოტლანდია დაპატიმრებული იყოს გაერთიანებულ სამეფოში, კარადაში ვერ გამოგვკეტავთ

არ შეიძლება, შოტლანდია საკუთარი ნების წინააღმდეგ დაპატიმრებული იყოს გაერთიანებულ სამეფოში, - ამის შესახებ შოტლანდიის პირველმა მინისტრმა, შოტლანდიის ნაციონალური პარტიის ლიდერმა ნიკოლა სტერჯენმა „ბიბისის“ განუცხადა.

მისივე თქმით, შოტლანდიის ნაციონალური პარტის წარმატება არჩევნებში მას ანიჭებს მანდატს, რომ დამოუკიდებლობის საკითხზე ახალი რეფერენდუმი ჩაატაროს.

ნიკოლა სტერჯენმა ასევე აღნიშნა, რომ ბორის ჯონსონის უარი რეფერენდუმზე „ფუნდამეტურად არადემოკრატიულია“, ვინაიდან მან შოტლანდიაში სრული მარცხი განიცადა და 13 მანდატიდან 7 დაკარგა.

„მე მას პარასკევს ტელეფონით საუბრისას განვუცხადე, რომ სრულიად ცდება, თუკი რეფერენდუმზე უარი საკითხის დასრულება ჰგონია,“- განაცხადა შოტლანდიის პირველმა მინისტრმა.

„არ შეგიძლიათ, შოტლანდია საკუთარი ნების წინააღმდეგ დატოვოთ კავშირში. არ შეგიძლიათ, კარადაში გამოგვკეტოთ, გასაღები დაატრიალოთ და იმედი გქონდეთ, რომ ყველაფერი კარგად იქნება,“- განაცხადა ნიკოლა სტერჯენმა.

შეგახსენებთ, რომ ლონდონისგან გამოყოფის საკითხზე ახალი რეფერენდუმის ჩატარების პერსპექტივა მას შემდეგ გაჩნდა, რაც დიდ ბრიტანეთში ჩატარებულ არჩევნებში შოტლანდიის ნაციონალურმა პარტიამ შოტლანდიის 59 მანდატიდან 48 მოიპოვა.

ეკატერინე დგებუაძე - შემიძლია დაგიდასტუროთ, რომ არცერთი მოსწავლე არ დარჩება სასწავლო განათლების მიღმა
ქართული პრესის მიმოხილვა 06.04.2020
ვაჟა ბერიძე - მთავრობა სწრაფად და ეფექტიანად რეაგირებს გამოწვევებზე, ეს სადღეისოდ საკმარისია, მაგრამ ტაში და ვაშა ჯერჯერობით ნაადრევია
"ლიბერთის" 500 000-ლარიანი მხარდაჭერა ბავშვთა მცირე საოჯახო სახლებს
კომპანია "ნოვა" პანდემიის გამოწვევის დასაძლევად 65 000 ლარს გამოყოფს