21 დეკემბერს, საქართველოს ეროვნულ უნივერსიტეტში (სეუ-ში) გაიმართება საქართველოს ადვოკატთა ასოციაციის წლის შემაჯამებელი ღონისძიება - საერთო კრება.
როგორც „ინტერპრესნიუსს“ ადვოკატთა ასოციაციიდან აცნობეს, წლიურ ანგარიშს ადვოკატთა ასოციაციის თავმჯდომარე დავით ასათიანი წარადგენს. იგი ასევე ისაუბრებს ადვოკატთა ასოციაციის ინსტიტუციური გაძლიერების კუთხით განხორციელებულ რეფორმებზე, ადვოკატთა კორპუსის როლზე მართლმსაჯულების სისტემაში და იურიდიული პროფესიის წინაშე მდგარ გამოწვევებზე.
„ადვოკატთა ასოციაციის საერთო კრებაზე ასევე გაიმართება ასოციაციის ეთიკის კომისიის ერთი ადვოკატი წევრისა და სარევიზიო კომისიის ერთი წევრის არჩევნები“, - ნათქვამია ინფორმაციაში.