ადვოკატი - იმედი მაქვს, რომ შეწყდება სისხლის სამართლებრივი დევნა და თორნიკე ქვათაძის მიმართ აღარ მოხდება მომდევნო სხდომების გაგრძელება

ადვოკატ მალხაზ ველიჯანაშვილის განცხადებით, მისი დაცვის ქვეშ მყოფის, თორნიკე ქვათაძის მიმართ აღკვეთის ღონისძიების სახედ პატიმრობის შეფარდების აუცილებლობა არ არსებობდა. როგორც ველიჯანაშვილმა ჟურნალისტებს განუცხადა, ქვათაძეს ბრალიც კი უკანონოდ აქვს წარდგენილი.

"როგორც მოისმინეთ ჩემი დაცვის ქვეშ მყოფი თორნიკე ქვათაძე აღკვეთის ღონისძიების გარეშე დატოვა სასამართლომ და განმარტა, რომ არ არსებობდა საფუძველი. სწორედ ეს იყო ჩვენი დასაბუთება. მას აქვს პასუხისმგებლობისგან გათავისუფლების საფუძველი, რაც სასამართლომ გაიზიარა. მას ბრალიც კი უკანონოდ აქვს წარდგენილი. იმედი მაქვს, რომ შეწყდება სისხლის სამართლებრივი დევნა და აღარ მოხდება მის მიმართ მომდევნო სხდომების გაგრძელება. მოცემულ შემთხვევაში მიმაჩნია, რომ ქვათაძის მიმართ სასამართლომ სრულად ობიექტური გადაწყვეტილება მიიღო",- განაცხადა ველიჯანაშვილმა.

ცნობისთვის, ცოტნე გამსახურდიას მკვლელობის მცდელობისა და დანაშაულის შეუტყობინებლობის ბრალდებით დაკავებულ 4 პირს აღკვეთის ღონისძიების სახედ პატიმრობა შეეფარდა, ხოლო ამავე საქმეზე დანაშაულის შეუტყობინებლობის ბრალდებით დაკავებული 1 პირი- თორნიკე ქვათაძე სასამართლომ აღკვეთის ღონისძიების გარეშე დატოვა.

მარკო მიკელსონი - საქართველომ ყურადღების მოსაპოვებლად უნდა იბრძოლოს - პატარა ქვეყნები იმაზე დიდები უნდა ვიყოთ, ვიდრე ფიზიკურად ვართ
ქართული პრესის მიმოხილვა 27.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში
სასიამოვნო სიურპრიზი „ტოიოტასგან“ საავტომობილო რბოლის მოყვარულთათვის
ადგილობრივი სასტუმროების ჯგუფური და ინდივიდუალური დაჯავშნის ონლაინ პლატფორმა HOTEL HUB GEORGIA ბაზარზე ოპერირებას ამიერიდან HOTEL HUB GROUP-ის სახელით გააგრძელებს
„ბადაგონს“ საუკეთესო ქართული ღვინის კომპანიის სტატუსი მიენიჭა
GM Pharma-ს („ჯი-ემ-პი“) ხარისხის ახალი ISO სერტიფიკატი გადაეცა
სამსუნგმა Galaxy S20 სერია წარადგინა
PSP პირველი ჩაერთო გაეროს განვითარების პროგრამის პროექტში „სოციალური დაცვის სისტემის გარდაქმნა შეზღუდული შესაძლებლობის მქონე პირებისთვის“