ცოტნე გამსახურდიას საქმეზე დანაშაულის შეუტყობინებლობისთვის დაკავებულ, პეტრე ყუფარაძის ადვოკატი - სასამართლოს გადაწყვეტილებას გავასაჩივრებთ

ცოტნე გამსახურდიას განზრახ მკვლელობის მცდელობის შეუტყობინებლობის ბრალდებით დაკავებული პეტრე ყუფარაძის ადვოკატი მისი დაცვის ქვეშ მყოფის მიმართ სასამართლოს მიერ გამოტანილ გადაწყვეტილებას გაასაჩივრებს. ამის შესახებ ვაჟა არობელიძემ ჟურნალისტებს სასამართლო სხდომის დასრულების შემდეგ განუცხადა.

როგორც არობელიძემ აღნიშნა, მისი მოლოდინი იყო, რომ ყუფარაძეს აღკვეთის ღონისძიების გარეშე დატოვებდნენ და გაათავისუფლებდნენ.

„არავითარ შემთხვევაში მას პატიმრობა არ უნდა შეფარდებოდა. ამაში დარწმუნებულები ვიყავით. როცა განჩინებას ავიღებთ, ვნახავთ, რა იგულისხმა მოსამართლემ და რატომ მიიღო ასეთი გადაწყვეტილება. მგონია, რომ აურზაურიდან და ატეხილი მდგომარეობიდან გამომდინარე რაოდენობრივად შეავსეს. ასე ყველა შეიძლებოდა დაეჭირათ, იქ ვინც იყო, 15-20 კაცი, დაგედოთ თითი და ყველას შეიძლებოდა ეს მუხლი მიყენებოდა. კაცმა, რომელმაც უპატრონა და გადაარჩინა, ამბობენ, უფრო უნდა ეთქვაო. რა უნდა ეთქვა? ამაზე გაამახვილა ყურადღება პროკურატურამ, რომ რადგან ის იქ იყო, უნდა დაენახა ვინ დაარტყა დანა. ამ ბრალდებულს რომ არ ეღიარებინა დანა მე დავარტყიო, დანაშაული გაუხსნელი იყო. შუამდგომლობაში მოვითხოვე, რომ არ შეფარდებოდა არცერთი აღკვეთის ღონისძიების სახე და ალტერნატივად დავაყენე გირაო. რა თქმა უნდა, გავასაჩივრებთ ამ გადაწყვეტილებას“, - განაცხადა ვაჟა არობელიძემ.

ცნობისთვის, ცოტნე გამსახურდიას მკვლელობის მცდელობისა და დანაშაულის შეუტყობინებლობის ბრალდებით დაკავებულ 4 პირს - პეტრე ყუფარაძეს, გიორგი სოლოღაშვილს, კახა ჩხეტიანს და ტატო ღარიბაშვილს აღკვეთის ღონისძიების სახედ პატიმრობა შეეფარდა, ხოლო ამავე საქმეზე დანაშაულის შეუტყობინებლობის ბრალდებით დაკავებული 1 პირი- თორნიკე ქვათაძე სასამართლომ აღკვეთის ღონისძიების გარეშე დატოვა.

ამავე საქმეში გიორგი სოლოღაშვილს და ტატო ღარიბაშვილს ბრალი ცოტნე გამსახურიდას განზრახ მკვლელობის მცდელობისთვის აქვს წარდგენილი. დანარჩენებს - დანაშაულის შეუტყობინებლობისთვის.

მომდევნო სასამართლო სხდომა 12 თებერვალს, 13:00 საათზე, გაიმართება.

მარკო მიკელსონი - საქართველომ ყურადღების მოსაპოვებლად უნდა იბრძოლოს - პატარა ქვეყნები იმაზე დიდები უნდა ვიყოთ, ვიდრე ფიზიკურად ვართ
ქართული პრესის მიმოხილვა 27.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში
სასიამოვნო სიურპრიზი „ტოიოტასგან“ საავტომობილო რბოლის მოყვარულთათვის
ადგილობრივი სასტუმროების ჯგუფური და ინდივიდუალური დაჯავშნის ონლაინ პლატფორმა HOTEL HUB GEORGIA ბაზარზე ოპერირებას ამიერიდან HOTEL HUB GROUP-ის სახელით გააგრძელებს
„ბადაგონს“ საუკეთესო ქართული ღვინის კომპანიის სტატუსი მიენიჭა
GM Pharma-ს („ჯი-ემ-პი“) ხარისხის ახალი ISO სერტიფიკატი გადაეცა
სამსუნგმა Galaxy S20 სერია წარადგინა
PSP პირველი ჩაერთო გაეროს განვითარების პროგრამის პროექტში „სოციალური დაცვის სისტემის გარდაქმნა შეზღუდული შესაძლებლობის მქონე პირებისთვის“