უწმინდესს უდიდესი ღვაწლი აქვს ქართული ეკლესიისა და სახელმწიფოს წინაშე და ვალდებული ვართ, ეს ყველაფერი დავაფასოთ, - ამის შესახებ საპარლამენტო უმრავლესობის ლიდერმა, მამუკა მდინარაძემ მცხეთაში განაცხადა.

მან მიულოცა საქართველოს კათოლიკოს პატრიარქს, ილია მეორეს აღსაყდრებიდან 42 წლის იუბილე.

„უწმინდესი ჩემთვის ასოცირდება სიკეთესთან და ჩემთვის არის სიკეთის სიმბოლო. გულით და სულით მინდა მივულოცო აღსაყდრების 42 წლის იუბილე, დიდი ხნის სიცოცხლე მინდა ვუსურვო. ამ ადამიანს აქვს უდიდესი ღვაწლი ქართული ეკლესიის და ქართული სახელმწიფოს წინაშე და ჩვენ ყველანი ვალდებულები ვართ, რომ ეს ყველაფერი დავაფასოთ“, - განაცხადა მდინარაძემ.

25 დეკემბერი საქართველოს კათოლიკოს-პატრიარქის, უწმინდესისა და უნეტარესის, ილია მეორის აღსაყდრების დღეა. ამასთან დაკავშირებით სადღესასწაულო საღმთო ლიტურგია სვეტიცხოვლის საკათედრო ტაძარში მიმდინარეობს. საზეიმო ლიტურგიის დასრულების შემდეგ პატრიარქი იქადაგებს.