ისრაელის არმია აღიარებს, რომ ღაზას სექტორში ერთი ოჯახის 9 წევრის მოკვლა „შეცდომა“ იყო. არმიის ოფიციალურ განცხადებაში ნათქვამია, რომ დაზვერვამ, საცხოვრებელში, რომელზეც დატყმა განახორციელდა „მიიჩნია, რომ ისლამური ჯიჰადის სამხედრო შენაერთი იყო“.

მათი თქმით, არმიის შეფასება იყო, რომ დარტყმის დროს მშვიდობიან მოქალაქეებს ზიანი არ მიადგებოდათ.

განცხადების მიხედვით, არმია შეისწავლის თავის „შეცდომებს", რომ შეამციროს „მსგავსი არარეგულარული მოვლენების განმეორება".

არმია „ისლამურ ჯიჰადს“ ადანაშაულებს, რომ ისინი სამხედრო ქონებას განზრახ ათავსებენ სამოქალაქო დასახლებებს შორის.

შეგახსენებთ, ნოემბერში ისრაელსა და პალესტინას შორის სამხედრო მოქმედებების შედეგად 34 პალესტინელი დაიღუპა. ისრაელის მიერ განხორციელებული დაბომბვის შედეგად, სავარკების ოჯახის 9 წევრი გარდაიცვალა, მათ შორის 5 მცირეწლოვანი ბავშვი.