უზენაესი სასამართლოს თავმჯდომარეობის კანდიდატობა, ამ ეტაპზე, ჩემს გეგმებში არ შედის,- ამის შესახებ იუსტიციის უმაღლესი საბჭოს მდივანმა და უზენაესი სასამართლოს მოსამართლემ, გიორგი მიქაუტაძემ ჟურნალისტებს განუცხადა.
მისი თქმით, უზენაესი სასამართლოს თავმჯდომარის საკითხზე იუსტიციის უმაღლესი საბჭო უახლოს მომავალში იმსჯელებს.
„უზენაესი სასამართლოს თავმჯდომარის კანდიდატურის დასახელება ცალკე პროცედურაა. ვფიქრობ, რომ იუსტიციის უმაღლესი საბჭო ამ საკითხზე უახლოეს მომავალში იმსჯელებს. რაც შეეხება ჩემს კანდიდატურას, მე ამ ეტაპზე, არ განვიხილავ, არ მაქვს ასეთი ინტერესი და ამ ეტაპზე, ჩემს გეგმებში არ შედის უზენაესი სასამართლოს თავმჯდომარეობის კანდიდატობა“, - განაცხადა გიორგი მიქაუტაძემ.