რეგიონული განვითარებისა და ინფრასტრუქტურის სამინისტრომ ამბროლაურისა და მესტია-უშგულის სივრცითი მოწყობის გეგმა შეიმუშავა

რეგიონული განვითარებისა და ინფრასტრუქტურის სამინისტრომ ამბროლაურისა და მესტია-უშგულის სივრცითი მოწყობის გეგმა შეიმუშავა. აღნიშნული გეგმა რეგიონული პოლიტიკისა და თვითმმართველობის კომიტეტის სხდომაზე მინისტრის მოადგილემ მზია გიორგობიანმა წარმოადგინა.

მინისტრის მოადგილის თქმით, ორივე დოკუმენტი გადაგზავნილია მუნიციპალიტეტებში, მათგან ერთი -ამბროლაურის (ამბროლაურის, ნიკორწმიდას, ჭრებალოს, წესის და შაორის) სივრცითი მოწყობის გეგმა ამბროლაურის მუნიციპალიტეტმა უკვე დაამტკიცა და ძალაშია შესული. სივრცითი მოწყობის გეგმის მიხედვით, გათვალისწინებულია მაგისტრალური გზის მშენებლობის შესაძლებლობა, რომელიც სვანეთს ქუთაისის აეროპორტთან 126 კილომეტრიანი გზის მეშვეობით დააკავშირებს. (8 კილომეტრი გვირაბი და რამდენიმე ათეული კილომეტრი ახალი გზა). სივრცითი მოწყობის გეგმით გათვალისწინებულია ასევე, მთის მატარებლის მშენებლობის შესაძლებლობა.

როგორც კომიტეტის სხდომაზე აღინიშნა, ეკონომიკური დასაბუთების შემთხვევაში, ტერიტორიულად დაბევებულია სივრცეეები, რომელიც ამის შესაძლებლობას შექმნის. ასევე, ტურისტული და სამთო სათხილამურო თვალსაზრისით გამოკვლეულია რამდენიმე ლოკაცია. როგორც კომიტეტზე აღინიშნა, მესტია -უშბა- თეთნულდი -აწვალი სამთო სათხილამურო კურორტი იმაზე 3-ჯერ მეტ მოთხილამურეს დაიტევს, რასაც კობი-გუდაურის სამთო კლასტერი იტევს. სხდომაზე ასევე აღინიშნა, რომ უშგულის რევიტალიზაციისთვის დაახლოებით 50 მილიონი ლარია საჭირო.

გეგმაში გათვალისწინებულია საფრთხეებიც და გამოყოფილია ის ლოკაციები, სადაც ზვავისა და მეწყერის საფრთხის გამო განაშენიანება რეკომენდირებული არაა.

გიორგი ანთაძე - საქართველომ რეგიონში არსებული სამხედრო დისბალანსის გათვალისწინებით, თავისი თავდაცვის შესაძლებლობების გაუმჯობესებისკენ უფრო ქმედითი ნაბიჯები უნდა გადადგას
ქართული პრესის მიმოხილვა 03.08.2020
ალექსანდრე თვალჭრელიძე -  გაბრაზებული ამომრჩევლები ხმას მცირე პარტიებს მისცემენ, პარლამენტის გასაღები სწორედ მცირე პარტიების და  ახალი სახეების ხელშია
„ციტადელი“ მომხმარებელს ახალ შოურუმში ეპატიჟება
როგორ ვისარგებლოთ თიბისი ფეის აპლიკაციით
კრედო ბანკსა და ევროპის საინვესტიციო ბანკს შორის მიკრო, მცირე და საშუალო ბიზნესების ხელშესაწყობად 36 მილიონი ლარის მოცულობის საფინანსო ხელშეკრულება გაფორმდა
„ნიუ ჰაუსი“ მომხმარებელს 27-თვიან შიდა უპროცენტო განვადებას სთავაზობს - იცხოვრე კომფორტულ გარემოში