ავსტრალიის სამხრეთ უელსის შტატში ტყის ხანძრებთან საბრძოლველად 48 საათის განმავლობაში 13 მილიონი აშშ დოლარი შეგროვდა. ამ ინფორმაციას BBC ავრცელებს. კამპანია 3 იანვარს ავსტრალიელმა მსახიობმა სელესტა ბარბერმა წამოიწყო და მას მთელი მსოფლიოდან არაერთი ადამიანი შეუერთდა, მათ შორის მომღერალი პიკი და მსახიობი ნიკოლ კიდმანი.

შეგახსენებთ, რომ ავსტრალიაში ქარის გაძლიერებამ ხანძრის ახალ ტერიტორიებზე გავრცელების საფრთხე წარმოშვა. განსაკუთრებით რთული ვითარება შტატის ქალაქ ედენშია, სადაც ხელისუფლებამ ევაკუაციის ბრძანება გასცა. ხანძრის ჩაქრობას მთელი ქვეყნის მასშტაბით ათასობით მეხანძრე, პოლიციელი და მოხალისე ცდილობს. ავსტრალიაში ხანძრის შედეგად გარდაცვლილთა რაოდენობა 23-მდე გაიზარდა. დაკარგულად კი 20-ზე მეტი ადამიანი ითვლება.