„ფეისბუქის“ ადმინისტრაცია საქართველოში არსებულ ყალბ გვერდებთან დაკავშირებით „ინტერპრესნიუსს“ წერილს უგზავნის

„ფეისბუქის“ ადმინისტრაცია საქართველოში ე.წ. ბოტებისა და ტროლების გამოვლენის საკითხზე მუშაობას აგრძელებს.

სოციალურ ქსელში „ფეიქ გვერდების“ დაბლოკვის საკითხთან დაკავშირებით „ინტერპრესნიუსმა“ „ფეისბუქის“ ადმინისტრაციას შეკითხვებით მიმართა, რაზეც სააგენტომ საპასუხო წერილი მიიღო.

„ფეისბუქის“ ადმინისტრაციის განმარტებით, საქართველოში ე.წ. ბოტებისა და ტროლების გამოვლენაზე მუშაობა 2019 წლის სექტემბრიდან დაიწყეს, რა პროცესიც არ დასრულებულა და უსაფრთხოების მკვლევარებთან ერთად მუშაობენ, რათა მსგავსი ოპერაციები კვლავ გამოავლინონ.

„ჩვენ ეს აქტივობა აღმოვაჩინეთ 2019 წლის სექტემბერში, კოორდინირებული, არაავთენტური ქცევის გამოვლენის კვლევისას რეგიონში. ჩვენი ანალიზისას ასევე ვსარგებლობდით ადგილობრივი არასამთავრობო ორგანიზაციის ღია მოხსენებებით. ჩვენი გუნდი „ფეისბუქსა“ და „ინსტაგრამზე“ პროაქტიულად ეძებს უარყოფით აქტორებს და მათ მოქმედებებს ამ პლატფორმაზე. ჩვენ კვლავ ვაგრძელებთ მუშაობას ჩვენს პარტნიორებთან და უსაფრთხოების მკვლევარებთან ერთად, რომ ვიპოვოთ და გამოვავლინოთ მსგავსი ოპერაციები“, - ნათქვამია „ფეისბუქის“ ადმინისტრაციის მიერ „ინტერპრესნიუსისთვის“ გამოგზავნილ წერილში.

შეგახსენებთ, რომ რამდენიმე კვირის წინ „ფეისბუქის“ ადმინისტრაციამ 39 ქართული "ფეისბუქ" ანგარიში, 344 გვერდი, 13 ჯგუფი, 22 "ინსტაგრამ" ანგარიში დაბლოკა.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 25.02.2021
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი