რიმა ბერაძის ინიციატივით, იაპონიაში საქართველოს დესპანმა ჩუღურეთის რაიონში მცხოვრებ ბავშვებს დამდეგი შობა მიულოცა

საქართველოს საგანგებო და სრულუფლებიანმა დესპანმა იაპონიაში თეიმურაზ ლეჟავამ ჩუღურეთის რაიონში მცხოვრებ ბავშვებს დამდეგი შობა მიულოცა და საჩუქრები გადასცა.

როგორც „ინტერპრესნიუსს“ თბილისის საკრებულოდან აცნობეს, საკრებულოს ჩუღურეთის რაიონის მაჟორიტარი დეპუტატის რიმა ბერაძის ინიციატივით გამართულ ღონისძიებას, ჩუღურეთის რაიონის გამგებელი ზურაბ ჩიკვილაძე, დესპანის მეუღლე ანა სიჭინავა და ესპანეთში მცხოვრებ ბაგრატიონთა შტოს წარმომადგენელი იოანე (ხუან) ბაგრატიონ-მუხრანელი ესწრებოდნენ.

მათივე ინფორმაციით, ღონისძიების მონაწილეებმა ბავშვებს დამდეგი შობის ბრწყინვალე დღესასწაული მიულოცეს, წარმატებები უსურვეს და საახალწლო საჩუქრები გადასცეს.

„ჩუღურეთის რაიონში საახალწლო კვირეული გრძელდება. ამჯერად იაპონიაში ჩვენი ქვეყნის წარმომადგენლობასთან ვითანამშრომლეთ და ჩუღურეთელ ბავშვებს დამდეგი შობის ბრწყინვალე დღესასწაული მივულოცეთ. მადლობას ვუხდი თეიმურაზ ლეჟავას ბავშვების გახარებისთვის. მნიშვნელოვანია, რომ ჩვენთან თანამშრომლობის სურვილი პრინცმა იოანე (ხუან) ბაგრატიონ-მუხრანელმაც გამოთქვა. ჩუღურეთში საახალწლო კვირეულის ფარგლებში, ძველით ახალ წლამდე კიდევ მრავალი ღონისძიება გაიმართება“,- განაცხადა რიმა ბერაძემ.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 03.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
იურიდიული პირები პროკრედიტ ბანკში ანგარიშებს დისტანციურად გახსნიან
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია