რამდენიმე ძალიან სერიოზულ შეტყობინებას ველოდებით, რომელიც მათ შორის, ვაშინგტონიდან და ბრიუსელიდან უნდა მივიღოთ ,- ამის შესახებ "ახალი საქართველოს" ლიდერმა გიორგი ვაშაძემ ჟურნალისტებს განუცხადა.
ვაშაძე არ ასაჯაროებს, თუ ვისთან აქვთ კომუნიკაცია კონკრეტულად და ამბობს, რომ საკითხი დახურულ რეჟიმში განიხილება.
"ეს შეეხება საქართველოში შექმნილ იმ პოლიტიკურ-ეკონომიკურ კრიზისს და მათ პოზიციებს ამასთან დაკავშირებით. ნება მომეცით, არ გითხრათ კონკრეტული წყარო, ვისთანაც ურთიერთობა გვაქვს. მე მაგალითად რამდენიმე დღით გავდივარ ქვეყნიდან, მათ შორის, გარკვეული შეხვედრებისთვის",- განაცხადა გიორგი ვაშაძემ.