ავღანეთში, ამერიკელი სამხედროების ავტოკოლონას თავს დაესხნენ. ინფორმაციას ნატო-ს პრესსპიკერი ადასტურებს. ჯერჯერობით ცნობები მხვერპლის შესახებ არ ვრცელდება. ავღანეთის მთავრობის წარმომადგენლის თქმით, ინციდენტი დანდის რეგიონში მოხდა.

თავდასხმაზე პასუხისმგებლობას „თალიბანი“ იღებს. მათი ცნობით, აფეთქების შედეგად, ადგილზე მყოფი ყველა ამერიკელი ჯარისკაცი დაიღუპა, თუმცა ინფორმაციას ოფიციალური წყაროები არ ადასტურებენ.