კახა კალაძე გამგებლებს ავალებს, „ადამიანებს მისცენ შესაძლებლობა, თვითონ განსაზღვრონ პრიორიტეტები, რა უნდათ საკუთარ უბანში, ქუჩაზე გაკეთდეს“

მივცეთ ადამიანებს შესაძლებლობა, თვითონ განსაზღვრონ პრიორიტეტები, რა უნდათ საკუთარ უბანში, საკუთარ ქუჩაზე გაკეთდეს, - ამის შესახებ თბილისის მერმა კახა კალაძემ დედაქალაქის მთავრობის სხდომაზე განაცხადა.

მან მერიის სამსახურის უფროსებს და გამგებლებს მოსახლეობის ჩართულობის უზრუნველყოფა დაავალა.

„მინდა ყველას, სამსახურის უფროსებს, გამგებლებს დაგავალოთ მაქსიმალური ყურადღება. წლევანდელი ბიუჯეტი გამგეობებში არის განსხვავებული და შესაბამისად, უფრო ბევრი და მნიშვნელოვანი პროექტის განხორციელების შესაძლებლობა გექნებათ, ამიტომ ძალიან მნიშვნელოვანია ყოველდღიური კომუნიკაცია მოსახლეობასთან, მათი ჩართულობა, სხვადასხვა პროექტების განხილვები, რომელიც ერთად უნდა განვახორციელოთ და ჩემი თხოვნა იქნება, რომ საზოგადოების ჩართულობა, ადგილობრივი მოსახლეობის ჩართულობა მაქსიმალურად გაითვალისწინოთ და მივცეთ ადამიანებს შესაძლებლობა, თვითონ განსაზღვრონ პრიორიტეტები, რა უნდათ საკუთარ უბანში, საკუთარ ქუჩაზე იქნას გაკეთებული. ჩვენ გვაქვს ჩვენი ხედვა და ვიცით, რა უნდა გავაკეთოთ, თუმცა, ადგილობრივების ჩართულობა არის ძალიან მნიშვნელოვანი,“- განაცხადა კახა კალაძემ.

მან ასევე, თბილისის ბიუჯეტზეც ისაუბრა და აღნიშნა, რომ წინა წლებში ბიუჯეტი გაცილებით ნაკლები იყო.

„დაახლოებით მილიარდ 245 მილიონი იქნება მხოლოდ ის თანხები, რომელიც იქნება დასახარჯი - 2 ძირითადი მიმართულება გვექნება: ეს არის ინფრასტრუქტურა, მეორე არის - ჯანდაცვა და სოციალური მიმართულება და ამას დაემატება დაახლოებით 270 მილიონი ევროპის რეკონსტრუქციისა და განვითარების ბანკიდან წამოსაღები თანხები იმისთვის, რომ საზოგადოებრივი ტრანსპორტი მთლიანად იყოს მოწესრიგებული, ანუ მილიარდ 500 მილიონი იქნება დაახლოებით დედაქალაქის ბიუჯეტი, რაც ძალიან მაგარია, მნიშვნელოვანია,“- აღნიშნა კახა კალაძემ.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 01.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა