დეკემბერში საქართველოში ევროკავშირის ქვეყნებიდან  65.15 მლნ დოლარი, რუსეთიდან კი 43.82 მლნ დოლარის ფულადი გზავნილი შემოვიდა

საქართველოს ეროვნული ბანკის მონაცემებით, 2019 წლის დეკემბერში ევროკავშირის ქვეყნებიდან ფულადი გზავნილების მოცულობა წლიურ ჭრილში 16.4%-ით გაიზარდა და 65.15 მლნ დოლარი შეადგინა.

საქართველოს ეროვნული ბანკი ფულადი გზავნილების მაჩვენებლებს აქვეყნებს, რომლის თანახმადაც, 2019 წლის დეკემბერში ქვეყანაში შემოსული ფულადი გზავნილების მოცულობამ 172.3 მლნ აშშ დოლარი (500.5 მლნ ლარი) შეადგინა.

ფულადი გზავნილების 38% ევროკავშირის ქვეყნებზე მოდის. რაც შეეხება სხვა ქვეყნებს, 2019 წლის დეკემბერში 2018 წლის დეკემბერთან შედარებით 215.86%-ით გაიზარდა გზავნილები ყირგიზეთიდან, 107.71%-ით ყაზახეთიდან, 84.19%-ით სომხეთიდან, 76.51%-ით უკრაინიდან, 6.74%-ით თურქეთიდან, რუსეთის ფედერაციიდან კი ფულადი გზავნილებს 0.08%-იანი ზრდა დაფიქსირდა.

აღსანიშნავია, რომ ზრდის დაბალი ტემპის მიუხედავად, დეკემბერში რუსეთის ფედერაციიდან საქართველოში ყველაზე მეტი, 43.82 მლნ დოლარის ოდენობის ფულადი გზავნილი შემოვიდა, რაც მთლიანი გზავნილების 25.44%-ია.

დიმიტრი შველიძე -  ხელისუფლების მთავარი თავის ტკივილი „ნაცმოძრაობაა“,  ამ ფონზე, მისთვის შეიძლება უფრო მისაღები იყოს „ევროპული საქართველო“
ქართული პრესის მიმოხილვა 12.08.2020
სევრის ხელშეკრულების 100 წლისთავი
ამერიკული სტეიკების ფესტივალი ბათუმში
“დიდი სიყვარულის დასაწყისი” - Wolt ქუთაისშია!
„მოედანი“ - პროექტი, რომელიც ავლაბარს ახალ სიცოცხლეს შესძენს
ამერიკული სტეიკის მასტერკლასი ბათუმში