მეუფე გრიგოლი სინოდზე - რამდენადაც ჩემთვის ცნობილია პატრიარქმა ბრძანა, რომ ხშირად უნდა შევიკრიბოთ და რა უშლის ხელს შეკრებას, ვერ გეტყვით

რამდენადაც ჩემთვის ცნობილია პატრიარქმა ბრძანა, რომ საერთოდ ორჯერ კი არა, უფრო მეტად, ხშირად უნდა შევიკრიბოთო და რა უშლის ხელს ამ შეკრებას, ვერ გეტყვით, - ამის შესახებ ფოთისა და ხობის მიტროპოლიტმა, მეუფე გრიგოლმა ჟურნალისტებს განუცხადა, რითაც უპასუხა კითხვას, თუ რატომ არ შეიკრიბა წმინდა სინოდი დეკემბერში.

,,მე ვიცი, რომ უნდა შეკრებილიყო წმინდა სინოდი და თუ რატომ არ შეიკრიბა, ამ კითხვაზე ვერ გიპასუხებთ, თუმცა ვწუხვარ, რომ არ შეიკრიბა. ჩვენ ვიცით, რომ სულ ცოტა წელიწადში ორჯერ მაინც უნდა შეიკრიბოს და რამდენადაც ჩემთვის ცნობილია პატრიარქმა ბრძანა, რომ საერთოდ ორჯერ კი არა, უფრო მეტად, ხშირად უნდა შევიკრიბოთო და რა უშლის ხელს ამ შეკრებას, ვერ გეტყვით“,- აღნიშნა მეუფე გრიგოლმა.

კითხვაზე, დააყენებს, თუ არა სინოდის სხდომაზე დეკანოზ გიორგი მამალაძის შუამდგომლობის საკითხს, მეუფემ განაცხადა, რომ დღის წესრიგს თითონ არ ადგენს.

,,დღის წესრიგს მე არ ვადგენ და როგორც ნებისმიერი მღვდელმთავარი, ვეცდებით შესაძლებლობების ფარგლებში დავაყენოთ ყველა ის სკითხი, რაც მიგვაჩნია, რომ აქტუალურია. რა თქმა უნდა, ერთ-ერთი აქტუალური საკითხი სწორედ ეს არის“, - აღნიშნა მეუფე გრიგოლმა.

დღეს, ფოთისა და ხობის მიტროპოლიტმა, მეუფე გრიგოლმა ბრწყინვალე აღდგომის საკათედრო ტაძარში ნათლისღების დღესასწაულთან დაკავშირებული ლოცვა აღავლინა. წირვის დასრულების შემდეგ კი მან ტაძრის ეზოში არსებულ ახალ ემბაზში წყალი აკურთხა.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 24.02.2021
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი