სასტუმრო „რედისონთან“, სადაც „გაბედეს" აქტივისტები აქციას მართავენ, საკრებულოს დეპუტატ ირაკლი ზარქუასა და „გაბედეს" წევრებს შორის შელაპარაკება მოხდა. როდესაც ირაკლი ზარქუა „რედისონიდან" გამოდიოდა, „გაბედეს“ აქტივისტებმა საკრებულოს დეპუტატს კითხვით მიმართეს, „ყვავის თუ არა დემოკრატია საქართველოში“, რაზეც ზარქუამ ერთ-ერთ აქტივისტს, ბექა ნათელაშვილს მიმართა, „გაბედე მამაშენს უთხარი“. „მამაშენს ჰკითხე, 1990-იანი წლებიდან როგორ აიშენა სამსართულიანი სახლი, როცა ბიზნესში არ ყოფილა“, - აღნიშნა ზარქუამ.
დაპირისპირებულ მხარეებს შორის სიტუაცია პოლიციის ჩარევით განიმუხტა.
ცნობისთვის, „რედისონში" ადამიანის უფლებათა დაცვის კომიტეტის ანგარიშის პრეზენტაცია მიმდინარეობს.