კახა კალაძე - ჩვენი პოლიტიკის ერთ-ერთი ნაწილია, კომფორტული საზოგადოებრივი ტრანსპორტით გადაადგილება და საკუთარ ავტომობილზე უარის თქმა

„ძალიან მალე, ჩვენ დავასრულებთ ყვითელი ავტობუსების პარკის ჩანაცვლებას, გვინდა დამატებით შემოვიყვანოთ ავტობუსები, რომ ქალაქში საზოგადოებრივი ტრანსპორტით გადაადგილება სწრაფი და კომფორტული იყოს“, -ამის შესახებ დედაქალაქის მერმა კახა კალაძემ ახალი ავტობუსების პრეზენტაციაზე განაცხადა.

მიისვე თქმით, ამას პარალელურად მოსდევს ინფრასტრუქტურული პროექტების განხორციელება. „ჩვენ ყოველთვის ვითვალისწინებთ ავტობუსების ზოლებს, რომ სწრაფად, შეუფერხებლად იყოს შესაძლებელი საზოგადოებრივი ტრანსპორტით გადაადგილება“, - აღნიშნა კახა კალაძემ.

მისივე თქმით, დედაქალაქის მერია ყველაფერს გააკეთებს იმისთვის, რომ თბილისში საზოგადოებრივი ტრანსპორტი ისეთი მოწესრიგებული და გამართული იყოს როგორც ევროპულ განვითარებულ ქალაქებშია.

„დღეს მნიშვნელოვანი დღეა იმ თვალსაზისით, რომ დედაქალაქს შეემატა ავტობუსების კიდევ ახალი პატია, 40 ერთეული, ISUZU-ს ტიპის 8 მეტრიანი ავტობუსები. კომფორტული საზოგადოებრივი ტრანსპორტით გადაადგილება, საკუთარ ავტომობილზე უარის თქმა ქალაქში მოძრაობაზე, ეს არის ჩვენი იმ პოლიტიკის ერთ-ერთი ნაწილი, რომელიც 2 წლის წინ დავაანონსეთ და წარვუდგინეთ საზოგადობას. მე არაერთხელ მითქვამს და კიდევ ერთხელ გავიმეორებ, რომ ჩვენ ყველაფერს ვაკეთებთ იმისთვის, რომ საზოგადოებრივი ტრანსპორტი ჩვენს ქალაქში იყოს ისეთი მოწესრიგებული და გამართული, როგორც ევროპულ განვითარებულ ქალქებში და დედაქალაქებშია. ის, რასაც დღეს ჩვენ ვაკეთებთ, ყველა განვითარებულმა ევროპულმა ქალაქმა უკვე გაიარა ეს პერიოდი, განახორციელა ეს პროექტები და ჩვენც რაღაც განსხვავებულს ვერ მოვიფიქრებთ. ვაკეთებთ იმას, რაც დღეს ყველაზე მეტად სჭირდება ჩვენს თბილისს და თბილისელებს“, - განაცხადა კალაძემ.

ხათუნა ლაგაზიძე  - „ოცნება“ ისეთ თავდაღმართშია, ვერავინ გეტყვით, როდის, რა მომენტში აფეთქდება - პლებისციტზე საუბარმა აზრი დაკარგა, მოლაპარაკება აუცილებელია, მაგრამ უპირობოდ - რიგგარეშე არჩევნებზე
რა კრიტერიუმებს უნდა აკმაყოფილებდეს გერმანიაში სეზონურ სამუშაოზე წასვლის მსურველი და რა იქნება საქართველოს მოქალაქეების ანაზღაურება?
ქართული პრესის მიმოხილვა 08.03.2021
ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
სილქნეტი განცხადებას ავრცელებს (R)