საქართველოს პარლამენტის თავმჯდომარე, არჩილ თალაკვაძე აშშ-ის წარმომადგენელთა პალატის დემოკრატიული პარტნიორობის (HDP) აღმასრულებელ დირექტორს, დერეკ ლუითენს და ეროვნულ-დემოკრატიული ინსტიტუტის (NDI) საქართველოს ოფისის ხელმძღვანელს, ლორა თორნტონს შეხვდა.

შეხვედრაზე საქართველო-აშშ-ის სტრატეგიული პარტნიორობისა და ქვეყანაში მიმდინარე პროცესების შესახებ იმსჯელეს. საუბარი ასევე შეეხო საქართველოს პარლამენტის დღის წესრიგს, მიმდინარე რეფორმებსა და მჭიდრო თანამშრომლობის მნიშვნელობას.

აღნიშნულ ინფორმაციას საქართველოს პარლამენტის პრესსამსახური ავრცელებს.