გავიგე, რომ მათ თავის ტკივილები და კიდევ ერთი ორი რაღაც აწუხებთ, მაგრამ შემიძლია გითხრათ, რომ ძალიან სერიოზული არაფერია,- ამის შესახებ დონალდ ტრამპმა ერაყში განლაგებულ ამერიკულ ბაზებზე 8 იანვრს განხორციელებული სარაკეტო დარტმის შედეგად დაშავებული სამხედროების მდგომარეობაზე კომენტირებისას განაცხადა.
კითხვაზე, თვლიდა თუ არა ის, რომ ტვინის ტრავმა სერიოზულია, პრეზიდენტმა უპასუხა : „ამის შესახებ მათ თავდასხმიდან რამდენიმე დღის შემდეგ მითხრეს. ჯობია, ეს კითხვა აშშ-ის თავდაცვის დეპარტამენტს დაუსვათ.“
ოთხშაბათს, აშშ-ის ცენტრალურმა სარდლობამ განაცხადა, რომ 8 იანვარს განხორციელებული სარაკეტო დარტმის შემდეგ ერაყიდან გერმანიაში სამედიცინო შემოწმების ჩასატარებლად რამდენიმე ჯარისკაცი გადაიყვანეს.