წიგნის სახლში „ლიგამუსი“ პრემია „ლიტერას“ ლაურეატი მწერლის, იაგო თვალაბეიშვილის ახალი წიგნის წარდგენა გაიმართება

დღეს, წიგნის სახლ „ლიგამუსში“, პრემია „ლიტერას“ ლაურეატი მწერლის იაგო თვალაბეიშვილის ახალი წიგნის - „გარდასულები“ წარდგენა გაიმართება. როგორც „ინტერპრესნიუსს“ „პალიტრა L”-დან აცნობეს, წიგნს „გარდასულები“ წარადგენს ფილოსოფოსი, ილიაუნის პროფესორი გიორგი მაისურაძე. „გარდასულები“ იაგო თვალაბეიშვილის რიგით მეორე წიგნია. მისი პირველი რომანი „ტრანსმუტაცია“ ლიტერატურული კონკურსის „გახდი ბესტსელერის ავტორი 2018-ისა“ და ლიტერატურული პრემია „ლიტერას“ გამარჯვებულია ნომინაციაში - „2018 წლის საუკეთესო ლიტერატურული დებიუტი“. ავტორის მეორე წიგნი სამ მოთხრობას აერთიანებს. მათში მოთხრობილია ბედისწერის მიერ ერთმანეთში უცნაურად გადაჯაჭვული სრულიად დაუჯერებელი ამბები, აღწერილია ადამიანების გაუსაძლისი ყოფა და ექსტრემალური გარემოს ზეგავლენით გაშიშვლებული, ყველაზე ბნელი, საზარელი მხარე მათი არსებობისა.

წიგნი გაფორმებულია ავტორის მიერ შექმნილი ილუსტრაციებით. ღონისძიებაზე მოსული სტუმრები წიგნის შეძენას 20%-იანი ფასდაკლებით შეძლებენ, საშუალება ექნებათ, პირადად გაესაუბრონ ავტორს, აიღონ მისგან ავტოგრაფი და გადაიღონ ფოტოები.

ღონისძიების ბმული: https://www.facebook.com/events/857922554665793/“, - ნათქვამია ინფორმაციაში.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 25.02.2021
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი