"გირჩის" ლიდერი ზურაბ ჯაფარიძე კანაფის კულტივიზაციისთვის პატიმრობის გაუქმების მოთხოვნით, საქართველოს საკონსტიტუციო სასამართლოს სარჩელით მიმართავს. იგი საკონსტიტუციო სასამართლოში სს 265-ე მუხლს ასაჩივრებს.
ზურაბ ჯაფარიძის განცხადებით, კანაფის კულტივიზაციისთვის დღეს არსებული „სასჯელი არის სიგიჟე“.
"ჭიათურიდან, სოფელ ფარცხიდან ავთანდილ მეტრეველს კანაფის მოყვანისთვის ემუქრება 6 წლიანი ციხე. მოსამართლე არის ზურა ბალავაძე, რომელმაც ერთი კვირის წინ ჩემს თვალწინ ადამიანი 6 წლით გაუშვა ციხეში. რამდენიმე ძირი კანაფის მოყვანისთვის, ეს სასჯელი არის სრული სიგიჟე, ჯოჯოხეთი, რომელშიც ვცხოვრობთ. ადამიანებს უშვებენ ციხეში, რომლის მოხმარება არის ლეგალური, ეს დაახლოებით იგივეა, მოიყვანო კიტრი და ამისთვის გაგიშვან 6 წლით ციხეში",-განაცხადა ბათუმში ზურაბ ჯაფარიძემ.