ამირან გამყრელიძე - კორონავირუსის რამე სპეციფიკური მკურნალობა, ვაქცინა ან მედიკამენტი, რომელიც ვირუსის ამ ქვეტიპზე მოქმედებს, არ არის

კორონავირუსის რამე სპეციფიკური მკურნალობა, ვაქცინა ან სპეციფიკური მედიკამენტი, რომელიც ვირუსის ამ ქვეტიპზე მოქმედებს არ გახლავთ, - ამის შესახებ დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელმა ამირან გამყრელიძემ განაცხადა.

მისი თქმით, ამ დროს მკურნალობა რეკომენდებულია ისე, როგორც ეს მიმდინარეობს ნებისმიერი რესპირატორული ინფექციით გამოწვეული დაავადების დროს.

„დღესდღეობით ამ დაავადების ინკუბაციური პერიოდი არის 5-დან 14 დღემდე, ამიტომ ორი კვირის განმავლობაში ვეუბნებით, რომ თუ გამოჩნდა სიმპტომები და განსაკუთრებით თუ ის ჩინეთშია ნამყოფი, აუცილებლია ექიმის გადაუდებელი კონსულტაცია და მისი რეფერალი ინფექციურ საავადმყოფოში, სადაც ჩატარდება გაღრმავებული დიაგნოსტიკა და მიღებული იქნება გადაწყვეტილება. ამ დროს რეკომენდებულია ის მკურნალობა, რაც არის ნებისმიერი რესპირატორული ინფექციით გამოწვეული დაავადების დროს, ანუ სიმპტომური მკურნალობა, როგორც ვმკურნალობთ ვირუსული ეტიოლოგიის რესპირატორულ ინფექციას ისე მიმდინარეობს მკურნალობა. რა თქმა უნდა, ყველა ეპიდემიოლოგიური წესის დაცვით, რომელიც გულისხმობს იზოლირებას, რომ არ გავრცელდეს ინფექცია, მათი მკურბნალობა ბოქსირებულ განყოფილებაში შესაბამისი დამცავი საშუალებებით, ეს ყველაფერი ქვეყანას აქვს და ამისთვის ყველანაირი მზაობა არსებობს“, - განაცხადა ამირან გამყრელიძემ.

თენგიზ ფხალაძე  - შიდაპოლიტიკურმა შუღლმა საერთო ეროვნული მეორე პლანზე გადაწია, ერთმანეთთან ძიძგილაობაში გართულები სულ უფრო ვემსგავსებით აისბერგისკენ ჯიუტად მიმავალ ტიტანიკს
ქართული პრესის მიმოხილვა 01.03.2021
სახელმძღვანელო სტარტაპერებისთვის - როგორ ხდება კადრების აყვანა კომპანიებში და რა ბენეფიტებს იღებენ დასაქმებულები
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა