ამირან გამყრელიძე - გრიპის ეპიდსიტუაცია ქვეყანაში მშვიდდება

გრიპის ეპიდსიტუაცია ქვეყანაში მშვიდდება. 100 ათას მოსახლეზე ახალი შემთხვევების რაოდენობა წინა კვირასთან შედარებით შემცირებულია, გვაქვს 172 შემთხვევა, მაშინ როდესაც წინა კვირას გვქონდა - 216, - ამის შესახებ დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელმა ამირან გამყრელიძემ განაცხადა.

მისი განმარტებით, ასევე შემცირებულია გრიპისა და გრიპის მსგავსი მძიმე რესპირატორული დაავადებებით ჰოსპიტალიზაციის შემთხვევები.

„თუ წინა კვირაში გვქონდა 30,6%, ახლა გვაქვს 28,2% ანუ სიტუაცია მიდის დამშვიდებისკენ. დღევანდელი რიცხვით აცრილია დაახლოებით 98 ათასი რისკის ადამიანი სახელმწიფოს მიერ და დაახლოებით, 30 ათასი ადამიანი კერძო სექტორის მიერ.

მედიკამენტ „ტამიფლუს“ ხელმისაწვდომობასთან დაკავშირებით, 30 დეკემბერს მინისტრის მიერ გაცემული ახალი ბრძანების მიხედვით, ორსულებსა და სოციალურად დაუცველებზე 100 ათას ქულამდე, უკვე დღეს ჩვენი ქსელის საშუალებით 416 პაციენტზე გაიცა მედიკამენტი, აქედან 253 ორსულია. კიდევ ერთხელ მინდა მოვუწოდო ორსულებს, ჩვენს სტრატეგიულ მარაგში კიდევ გვაქვს ვაქცინა და იცით, რომ ვაქცინაცია მიმდინარეობს სეზონის დროსაც. სასურველია, რომ ორსული ქალბატონები მიბრძანდნენ თავიანთი აღრიცხვის ადგილებში ანუ პოლიკლინიკებში და ჩაიტარონ ვაქცინაცია.“- განაცხადა ამირან გამყრელიძემ.

სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
ქართული პრესის მიმოხილვა 05.03.2021
ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
იურიდიული პირები პროკრედიტ ბანკში ანგარიშებს დისტანციურად გახსნიან
საერთაშორისო სისტემა ინტელიექსპრესი საქართველოს მოქალაქეებისთვის ევროპულ სერვისებზე წვდომას ამარტივებს