ევროსაბჭოს საპარლამენტო ასამბლეის წევრებმა საბჭოში რუსეთის დელეგაციის მანდატი გაასაჩივრეს. საკითხი ლიტველმა დეპუტატმა ემანიელის ზინგერისმა წამოაყენა, რომელსაც მხარი სულ მცირე 30 დეპუტატმა დაუჭირა. მათ შორის იყვნენ საქართველოს დელეგაციის წევრებიც.
„ჩემი კოლეგების სახელით, მსურს ეჭვქვეშ დააყენოთ რუსეთის დელეგაციის მანდატი“,-განაცხადა ზინგერისმა და დასძინა, რომ საქართველოს და უკრაინის ტერიტორიების ოკუპაციის გამო, რუსეთის დაბრუნება ევროსაბჭოს სწორი გადაწყვეტილება არ არის.
ამჯერად, ევროსაბჭოს საპარლამენტო ასამბელის რეგლამენტის მიხედვით, საკითხი მონიტორინგის კომიტეტს შემდგომი პროცედურებისთვის გადაეცა.