აშშ აღიარებს, რომ თვითმფრინავი, რომელმაც ავღანეთის ღაზნის პროვინციაში კატასტროფა განიცადა, ამერიკული ხომალდი იყო, თუმცა არ ადასტურებს, რომ ის ჩამოაგდეს.
„რადგან კატასტროფის მიზეზზე გამოძიება მიმდინარეობს, ვერ ვიტყვით, რომ ის მტერმა ჩამოაგდო“, - აცხადებს პენტაგონის წარმომადგენელი სონი ლეგეტი. პენტაგონი ასევე არ ავრცელებს ინფორმაციას დაშავებულთა ან დაღუპულთა შესახებ.
გუშინ, თვითმფრინავის ჩამოგდებაზე პასუხისმგებლობა „თალიბანმა“ აიღო. მათი თქმით, სამხედრო თვითმფრინავი სადაზვერვო მისიას ახორციელებდა და მასში ამერიკელი სამხედროები და სამხედრო მაღალჩინოსნები ისხდნენ.
კიდევ უფრო ადრე, საერთაშორისო მედიაში ავღანელ მაღალჩინოსნებზე დაყრდნობით გავრცელდა ინფორმაცია, რომ ღაზნის პროვინციაში კატასტროფა „არიანას“ სამგზავრო თვითმფრინავმა განიცადა, თუმცა კომპანიაში განაცხადეს, რომ მათი თვითმფრინავი უსაფრთხოდ იყო.
იხილეთ ვიდეო: პენტაგონმა დაადასტურა, რომ ავღანეთში ჩამოვარდნილი თვითმფრინავი აშშ-ს ეკუთვნოდა