ნათია თურნავა - ჩვენი ხელისუფლების ვერანაირი კომუნიკაცია ვერ შედგება სეპარატისტებთან, როცა ვამბობთ, რომ „ენგურჰესი“ ემსახურება საქართველოს, ვგულისხმობთ მოსახლეობას

ჩვენი ხელისუფლების ვერანაირი კომუნიკაცია ვერ შედგება სეპარატისტებთან. როდესაც ვამბობთ, რომ „ენგურჰესი“ ემსახურება სრულიად საქართველოს, ჩვენ ვგულისხმობთ რიგით მოსახლეობას, - ამის შესახებ ეკონომიკისა და მდგრადი განვითარების მინისტრმა ნათია თურნავამ ჟურნალისტებს განუცხადა, რითაც უპასუხა „ენგურჰესის“ რეაბლიციტაციისა და აფხაზებისთვის ელექტროენერგიის მიწოდების თაობაზე დასმულ კითხვას. მისი თქმით, საჭიროების შემთხვევაში, ხელისუფლება აფხაზებს ელექტროენერგიის მიწოდებაში წელსაც დაეხმარება.

"ენგურჰესის“ რესურსი ჩვენთვის ერთ-ერთი ყველაზე ძვირფასია, რომელიც ემსახურება სრულიად საქართველოს, მათ შორის ჩვენს აფხაზ დებს და ძმებს. რასაკვირველია, თუკი ეს რესურსი არ იქნება საკმარისი, როგორც შარშან, წელსაც ყველაფერს გავაკეთებთ, რომ დავეხმაროთ და არ დავტოვოთ ჩვენი აფხაზი დები და ძმები რთულ ვითარებაში.

სეპარატისტებთან ჩვენი ხელისუფლების ვერანაირი კომუნიკაცია ვერ შედგება და არ იქნება. როდესაც ვამბობთ, რომ „ენგურჰესი“ ემსახურება სრულიად საქართველოს, ჩვენ ვგულისხმობთ რიგით მოსახლეობას, ვინც საკმაოდ რთულ სოციალურ-ეკონომიკურ მდგომარეობაში იმყოფება ოკუპაციის ხაზს მიღმა. ჩვენი ვალია მათ დავეხმაროთ, მიუხედავად ყველა დესტრუქციული ქმედებისა, რასაც შესაძლოა მათი ე.წ. სამთავრობო რეჟიმები ახორციელებდნენ,"- გნაცხადა თურნავამ.

სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
ქართული პრესის მიმოხილვა 05.03.2021
ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
იურიდიული პირები პროკრედიტ ბანკში ანგარიშებს დისტანციურად გახსნიან
საერთაშორისო სისტემა ინტელიექსპრესი საქართველოს მოქალაქეებისთვის ევროპულ სერვისებზე წვდომას ამარტივებს