ოკუპირებული ახალგორის შესასვლელი 3 თებერვლიდან, შესაძლოა კვლავ ჩაიკეტოს

ოკუპირებული ახალგორის შესასვლელი 3 თებერვლიდან შესაძლოა, კვლავ ჩაიკეტოს. ამის შესახებ ინფორმაცია ოკუპირებულ დაბაში მცხოვრებ მოსახლეობას დღეს დილით მიაწოდეს.

გასული წლის 5 სექტემბერს ჩაკეტილი ე.წ. გამშვები პუნქტი საოკუპაციო ძალების წარმომადგენლებმა 24 იანვარს გახსნეს და საქართველოს ცენტრალური ხელისუფლების მიერ კონტროლირებად ტერიტორიაზე გადაადგილების საშუალება ახალგორში მცხოვრებ იმ პენსიონერებს მისცეს, ვინც პენსიას ცენტრალური ხელისუფლების კონტროლირებად ტერიტორიაზე იღებს.

სპეციალური სიების საფუძველზე, 24 იანვრიდან დღემდე, ოკუპირებული ტერიტორია 200-ზე მეტმა ადამიანმა დატოვა. რამდენიმე ათეული კი, პენსიის აღების და ახლობლების მონახულების შემდეგ, კვლავ დაბრუნდა ახალგორში.

საოკუპაციო ძალების წარმომადგენლებმა ახალგორელებს აღნიშნული რეგულაციით სარგებლობის 10 დღიანი ვადა მისცეს. დე ფაქტო რეჟიმის წარმომადგენლების მიერ ოკუპირებულ დაბაში მცხოვრები მოსახლეობისთვის მიწოდებული ინფორმაციის თანახმად, 24 იანვრიდან 10 დღის გასვლის შემდეგ, 3 თებერვალს, ე.წ. გამშვები პუნქტი შესაძლოა კვლავ ჩაიკეტოს და გარკვეული პერიოდის შემდეგ გაიხსნას.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 25.02.2021
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი