„ლურჯ ვეშაპზე“ გადაღებული მოკლემეტრაჟიანი ფილმი შესაძლოა, სკოლებში აჩვენონ

ეროვნული კინოცენტრის ინიცატივით, „ლურჯ ვეშაპზე“ გადაღებული ფილმი, შესაძლოა, სკოლებში აჩვენონ. 15-წუთიანი მხატვრული ფილმი, რომელიც სახიფათო ინტერნეტთამაშის შესახებ მოგვითხრობს, ლევან გაბაძემ გადაიღო. რეჟისორის განცხადებით, ფილმზე მუშაობა თითქმის დასრულებულია და პრემიერა უახლოეს მომავალში შედგება.

მისი თქმით, ნამუშევარმა ეროვნული კინოცენტრის მოწონება დაიმსახურა, რის გამოც მიმდინარეობს მუშაობა, რომ ფილმის სკოლებში ჩვენება მოხდეს.

„ფილმი დაფუძნებულია რეალურ ისტორიაზე. აჩვენებს ამ საზარელ თამაშში მონაწილე ყველა მხარეს. ვიდრე ფილმის გადაღებას დავიწყებდით, ჩვენ მოვიძიეთ ძალიან ბევრი ინფორმაცია, როგორც ქართული, ისე უცხოური რეალობიდან. ვესაუბრეთ ფსიქოლოგებს და სხვა სპეციალისტებს და ერთად შევკარით ეს გამოცდილებები. იმედი გვაქვს, რომ ფილმი დიდ როლს ითამაშებს პრობლემის პრევენციაში და სასარგებლო იქნება როგორც მოზარდებისთვის, ისე მისი მშობლებისთვის. პრევენციის მიზნით არის ფილმი გაკეთებული და იმედი გვაქვს, რომ ასეც იქნება. ამჟამად მიმდინარეობს ფილმის თარგმნა და ინგლისურ სუბტიტრებზე მუშაობა, რადგან ვგეგმავთ საერთაშორისო ფესტივალებში მონაწილეობის მიღებას“, - განაცხადა რეჟისორმა.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 03.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
იურიდიული პირები პროკრედიტ ბანკში ანგარიშებს დისტანციურად გახსნიან
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია