პროკურორის ინფორმაციით, ურეკის პოლიციის ყოფილი უფროსის უკანონო დაკავების ბრალდებით დაკავებულმა კუდ-ის ყოფილმა თანამშრომლებმა დანაშაული აღიარეს

ბადრი პატარკაციშვილის საქმეზე ურეკის პოლიციის განყოფილების ყოფილი უფროსის ჯემალ შამათავას უკანონო დაკავებასა და სამსახურეობრივი უფლებამოსილების გადამეტების ბრალდებით დაკავებულმა კუდ-ის ყოფილმა თანამშრომლებმა ილია გამგებელმა და დავით ქოქიაშვილმა ბრალი აღიარეს. როგორც სხდომის დასრულების შემდეგ ლევან ქარდავას ადვოკატმა, გია გოროზიამ ჟურნალისტებს განუცხადა, ამ ორმა პირმა ბრალი აღიარა, თუმცა მათ ქარდავა არ უმხელიათ.

მისივე განცხადებით, ქარდავა ბრალს არ აღიარებს.

„რაც შეეხება ორი ბრალდებულის მხრიდან აღიარებით ჩვენებას, ვგულისხმობ დავით ქოქიაშვილს და ილია გამგებელს, მათ აღიარეს მათ მიერ ჩადენილი დანაშაული, მათ არ დაუსახელებიათ ლევან ქარდავა და მათ არ მიუციათ ჩვენება, რომ აღნიშნულ დანაშაულში მონაწილეობდა ლევან ქარდავა, უბრალოდ, მათ აღიარეს მათ მიერ ჩადენილი დანაშაული. გამოძიების ეტაპზე მიცემულ ჩვენებას რაც შეეხება, მთავარია, რომ მოწმემ სასამართლო პროცესზე მისცეს ჩვენება და დაადასტუროს ან არ დაადასტუროს ის ჩვენება. გამოძიების ეტაპზე, როდესაც დაკითხული იყვნენ ისინი 2019 წლის 23 აგვისტოს, მათ ჩვენებებში ლევან ქარდავა არ უმხელიათ. რაც შეეხება ლევან ქარდავას, ის წარდგენილ ბრალში თავს დამნაშავედ არ ცნობს, ვინაიდან თვლის და მიაჩნია, რომ წარდგენილი ბრალდება არის აბსურდული და არანაირ მტკიცებულებას ის არ ემყარება და არის მოგონილი ბრალდება”, - განაცხადა ადვოკატმა.

საქმის პროკურორი, დავით გუმბერიძე აცხადებს, რომ არსებობს გამოძიებისას დავით ქოქიაშვილისა და ილია გამგებლის ჩვენებები, რომელშიც მათ სრულად აღიარეს დანაშაული და დანაშაულის ჩადენის ორგანიზატორად, ხელმძღვანელ პირად და უკანონო დაკავების ორგანიზატორად დაასახელეს ლევან ქარდავა და გიორგი დგებუაძე.

“დღევანდელ სასამართლო პროცესზე სასამართლომ მოისმინა ორი ბრალდებულის, ილია გამგებელისა და დავით ქოქიაშვილის აღიარება წარდგენილ ბრალდებასთან მიმართებაში. ბრალდებულებმა განმარტეს, რომ ისინი სრულად აღიარებენ ჩადენილ დანაშაულს, ვგულისხმობ პერიოდს, როდესაც ისინი მუშაობდნენ კონსტიტუციული უსაფრთხოების დეპარტამენტში. მუშაობის დროს ბრალდებულებმა, ასევე, ლევან ქარდავამ და გიორგი დგებუაძემ ორგანიზება მოახდინეს ურეკის იმჟამინდელი პოლიციის უფროსის უკანონო დაკავებასთან მიმართებაში. შედეგად, ჯემალ შამათავა უკანონო პატიმრობაში იმყოფებოდა 9 წლის განმავლობაში და საკმაოდ მძიმე დანაშაულის ჩადენის ფაქტზე სასჯელი ჰქონდა მისჯილი. რაც შეეხება აღიარებით და სრულად აღიარებით პოზიციას, ადვოკატის მიერ გაცხადებული წინასწარი პოზიცია და ის ოპტიმისტური განწყობა იმასთან მიმართებაში, რომ იქნებდა ამ პირებმა საქმის არსებითი განხილვისას არ მისცენ ჩვენება ლევან ქარდავას წინააღმდეგ, ამ მოცემულობით არ გამართლდება. ჩვენ გვაქვს გამოძიებისას დავით ქოქიაშვილისა და ილია გამგებელის მიღებული ჩვენებები, რომელშიც მათ სრულად აღიარეს დანაშაული და დანაშაულის ჩადენის ორგანიზატორად, ხელმძღვანელ პირად და უკანონო დაკავების ორგანიზატორად დაასახელეს ლევან ქარდავა და გიორგი დგებუაძე. ეს მოცემულობა კვლავ არის საქმის არსებით განხილვის ეტაპში და კიდევ ერთხელ ვიმეორებ, რომ ადვოკატის ოპტიმისტური მოლოდინები არ გამართლდება”, - აღნიშნა პროკურორმა.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 26.02.2021
როგორ იქმნება მომავლის რესტორნები მსოფლიოში? რა უნდა გაითვალისწინონ ქართველმა რესტორატორებმა
ახალი სენსორული POS სავაჭრო ობიექტებისთვის
რას წარმოადგენს Samsung-ის ოფიციალური ჰოლოგრამა?
სითი თაუერი – შენი წარმატების წერტილი ბიზნესში! (R)
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი