ირაკლი კოვზანაძე - დაგეგმილზე მაღალი ეკონომიკური ზრდა სწორი მაკროეკონომიკური პოლიტიკის შედეგია

2019 წელს დაგეგმილზე მაღალი ეკონომიკური ზრდა სწორი მაკროეკონომიკური პოლიტიკის შედეგია, - ასე გამოეხმაურა პარლამენტის საფინანსო-საბიუჯეტო კომიტეტის თავმჯდომარე ირაკლი კოვზანაძე „საქსტატის“ მიერ დღეს გამოქვეყნებულ მონაცემებს, რომლის მიხედვით 2019 წელს ქვეყნის ეკონომიკა 5.2 % -ით გაიზარდა. მისი თქმით, გასულ წელს, როცა 2019 წლის სახელმწიფო ბიუჯეტში ცვლილებები განიხილებოდა, კომიტეტის ერთ-ერთი რეკომენდაცია იყო, გადახედილიყო ეკონომიკური მაჩვენებელი ზრდის მიმართულებით. „ჩვენი პროგნოზი გამართლდა“, - აღნიშნა კოვზანაძემ.

მისი თქმით, მაღალი ეკონომიკური აქტივობა რამდენიმე მიზეზმა განაპირობა

„ექსპორტისა და ფულადი გზავნილების ზრდის ტემპი შენარჩუნებულია. მიუხედავად ზაფხულში არსებული პრობლემებისა, 2019 წლის ოქტომბერიდან ტურისტული შემოსავლები იზრდება, ბოლო პერიოდში დაფიქსირდა დაკრედიტების მაღალი ზრდა, ასევე გვაქვს კარგი მაჩვენებლები ფისკალური მიმართულებით“, - განაცხადა კოვზანაძემ.

ასევე აღსანიშნავია, რომ საერთაშორისო სავალუტო ფონდის პროგნოზით, საქართველოს 2020-2024 წლების განმავლობაში ყველაზე მაღალი, დაახლოებით 5 პროცენტიანი ეკონომიკური ზრდა ექნება ევროპისა და რეგიონის ქვეყნებთან შედარებით.

სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
ქართული პრესის მიმოხილვა 05.03.2021
ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
იურიდიული პირები პროკრედიტ ბანკში ანგარიშებს დისტანციურად გახსნიან
საერთაშორისო სისტემა ინტელიექსპრესი საქართველოს მოქალაქეებისთვის ევროპულ სერვისებზე წვდომას ამარტივებს