აშშ-ში, ამ შეხვედრების საფუძველზე, დეზინფორმაციაზე გაიმარჯვებს ინფორმაცია და ტყუილზე აუცილებლად გაიმარჯვებს სიმართლე, - ამის შესახებ ჟურნალისტებს საპარლამენტო უმრავლესობის ერთ-ერთმა ლიდერმა ირაკლი კობახიძემ განუცხადა, რითიც ის გამოეხმაურა აშშ-ში ქართული დელეგაციის ვიზიტს.

მისივე თქმით, ძალიან მნიშვნელოვანია კომუნიკაცია მეგობრებთან, პარტნიორებთან, განსაკუთრებით ამერიკელ მეგობრებთან.

"იცით რომ იყო შემთხვევები, როცა დეზინფორმაცია მიეწოდებოდათ ჩვენს პარტნიორებს. ამან გარკვეული ასახვა ჰპოვა განცხადებებში. ჩვენ გვქონდა გარკვეული ვაკუუმი კომუნიკაციაში დასავლელ პარტნიორებთან, თუმცა, ამის პრობლემა აღარაა. გაგრძელდება კომუნიკაცია და შეხვედრები. ამ შეხვედრების საფუძველზე დეზინფორმაციაზე გაიმარჯვებს ინფორმაცია და ტყუილზე აუცილებლად გაიმარჯვებს სიმართლე. სიმართლე არის ჩვენს მხარეს და მივაწვდით ამ სიმართლეს ჩვენს საერთაშორისო პარტნიორებს", - განაცხადა კობახიძემ.

მისივე თქმით, კომუნიკაცია მუდმივ რეჟიმში გაგრძელდება.

„საბოლოო ჭამში, დასავლელ პარტნიორებს აუცილებლად ექნებათ სწორი ინფორმაცია. პრობლემა იყო, არასწორი და ყალბი ინფორმაცია მიეწოდებოდათ ჩვენს პარტნიორებს, რაც აისახებოდა მათ წერილებსა და განცხადებებში", - განაცხადა კობახიძემ.