გუკა რჩეულიშვილი - „ცენტრ პოინტსა“ და სხვა კომპანიებს შორის გაფორმებული ხელშეკრულებები ძალაში თებერვლის ბოლოდან შევა

„ცენტრ პოინტ ჯგუფსა“ და რამდენიმე კომპანიას შორის გაფორმებული ხელშეკრულებები ძალაში თებერვლის ბოლოდან შევა. აღნიშნულის შესახებ „ინტერპრესნიუსს“ „ცენტრ პოინტ ჯგუფის“ სამეთვალყურეო საბჭოს თავმჯდომარე გუკა რჩეულიშვილმა განუცხადა.

როგორც რჩეულიშვილი ამბობს, ხელშეკრულებები, რომელიც „ცენტრ პოინტის“ მიერ დაწყებული მშენებლობების გადაბარებას და დაზარალებულთა დაკმაყოფილებას გულისხმობს, რამდენიმე კომპანიასთან უკვე გაფორმებულია და ახლა მერია მხოლოდ ტექნიკურ საკითხებს აგვარებს.

რჩეულიშვილი ელის, რომ მას შემდეგ, რაც ხელშეკრულებები ძალაში შევა, „ცენტრ პოინტის“ საქმეზე ბრალდებულ მისი ოჯახის წევრებთან, მაია რჩეულიშვილსა და რუსუდან კერვალიშვილთან, ასევე მასთან საპროცესო შეთანხმება გაფორმდება.

შეგახსენებთ, რომ თბილისის საქალაქო სასამართლომ „ცენტრ პოინტის“ დამფუძნებლებს მაია რჩეულიშვილსა და რუსუდან კერვალიშვილს 4-4 წლით თავისულების აღკვეთა შეუფარდა. საგამოძიებო უწყება დებს 11 მილიონი ლარზე მეტის მითვისებას ედავება.

რაც შეეხება გუკა რჩეულიშვილს, მას ბრალდების მხარე დიდი ოდენობით თანხის მითვისებას ედავება.

გიორგი ანთაძე - საქართველო ვაშინგტონისა და თავისუფალი სამყაროს მთავარი სტრატეგიული პარტნიორია სამხრეთ კავკასიაში და ჩვენ ეს როლი და ფუნქცია ბოლომდე უნდა ავითვისოთ
ქართული პრესის მიმოხილვა 25.01.2021
ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
სადაზღვევო კომპანია "ევროინს ჯორჯიას" დამფუძნებელი კომპანია Eurohold, ბულგარეთში ელექტროენერგიის უდიდესი მომწოდებელი კომპანიის მფლობელი გახდა
სილქფესტი მომხმარებლებს უქმეებზე ულიმიტო ინტერნეტ და უსასრულო სასაუბრო პაკეტების გააქტიურებას სთავაზობს