იანვრის თვეში FAO-ს ფასების ინდექსი გაიზარდა, თუმცა ხორცზე ფასები შემცირდა

FAO-ს ფასების ინდექსი, რომელიც სამომხმარებლო კალათის 5 ძირითადი პროდუქტის (რძე, მარცვლეული, მცენარეული ზეთი, შაქარი, ხორცი) საერთაშორისო ფასების ცვალებადობას ასახავს - იანვრის ჩათვლით, მეოთხე უწყვეტი თვე იზრდებოდა.

როგორც „ინტერპრესნიუსს“ FAO-დან აცნობეს, ფასების ინდექსი დეკემბრის თავიდან 0.7-ით გაიზარდა და 182.5 ქულა შეადგინა, რაც 11.3%-ით აღემატება გასული წლის ამავე პერიოდის მაჩვენებელს. ფასების ზრდა განპირობებული იყო მცენარეულ ზეთზე, შაქარს და მარცვლეულზე მოთხოვნის ზრდით.

„პალმის, სოიოსა და მზესუმზირის ზეთზე ფასების ზრდის შედეგად იანვარში, მცენარეულ ზეთზე ფასების 7%-იანი ზრდა და ბოლო სამი წლის მანძილზე ყველაზე მაღალი ნიშნული დაფიქსირდა. ფასების ზრდაზე გავლენა იქონია, კორონა ვირუსის გამო საერთაშორისო ვაჭრობაში, კერძოდ კი ინდოეთსა და მალაიზიას შორის გაჩენილმა სირთულეებმა.

5.5%-ით გაიზარდა შაქრის ფასების ინდექსიც, რისი მთავარი მიზეზი პროდუქტის ექსპორტიორ ქვეყნებში შაქრის დაგეგმილზე ნაკლები წარმოება იყო. ამავდროულად, ზრდაზე გავლენა იქონია: ბრაზილიაში, შაქრის მთავარ მწარმოებელ ქვეყანაში, ადგილობრივი რეალის გაუფასურებამ და შაქრის ლერწმის ტექნიკურ, კერძოდ კი ეთანოლის მისაღებად გამოყენება.

სამომხმარებლო კალათის სხვა პროდუქტებთან შედარებით, იანვრის თვეში 4%-ით შემცირდა ხორცის ფასების ინდექსი, რომელმაც ბოლო 11 თვის მანძილზე პირველად აჩვენა კლების ტენდენცია. ფასის კლების მთავარი მიზეზი ჩინეთის მხრიდან შემცირებული იმპორტი და აღმოსავლეთის ქვეყნებში საქონლისა და ღორის ხორცის მაღალი მარაგები იყო.

2.9%-ით გაიზარდა FAO-ს მარცვლეულის ფასებიც. იანვრის თვეში ყველაზე მაღალი ფასი, ხორბალზე დაფიქსირდა რასაც რიგითობით მოყვა სიმინდი და ბრინჯი. ფასების ზრდის მიზეზი, რიგ ქვეყნებში აღნიშნულ მარცვლეულზე გაზრდილი მოთხოვნა წარმოადგენდა.

0.9%-ითაა გაზრდილი რძისა და რძის პროდუქტების ფასების ინდექსი, რაც ყველზე, კარაქსა და აღდგენილ რძეზე გაზრდილი მოთხოვნით იყო ნაკარნახები“, - აღნიშნავენ FAO-ში.

ვიქტორ ყიფიანი - ევროკავშირი საქართველოს  რეგიონში მთავარ პარტნიორად მიიჩნევს და აღნიშნავს, რომ საქართველო სრულადაა ჩართული „აღმოსავლეთ პარტნიორობის“  მრავალმხრიან  არქიტექტურაში
ქართული პრესის მიმოხილვა 21.02.2020
ზაალ ანჯაფარიძე - საარჩევნო სისტემაზე ხელისუფლებასთან მოლაპარაკებებზე შეიძლება წამოვიდნენ ის პარტიები, რომლებსაც „ნაციონალების“ წინაშე რაიმე ვალდებულებები არ გააჩნიათ
სტუდენტზე ორიენტაცია, მოტივაციის ზრდა და კვალიფიკაციის ამაღლება - სტუ-ის რექტორის მიზნები და გეგმები
„მეტი ქართული პროდუქტის“ ინიციატივა „ვენდისთვის“ წარმატებული აღმოჩნდა
„ტერაბანკმა“ იურიდიული პირებისთვის მობაილბანკი შექმნა