ბიზნესმენ ავთანდილ წერეთელს კლინიკიდან სავარაუდოდ, 11-12 თებერვალს გაწერენ. ამის შესახებ „ინტერპრესნიუსს“ ბიზნესმენის შვილმა, "TV პირველის" დამფუძნებელმა ვატო წერეთელმა განუცხადა.

მისივე თქმით, ამ ეტაპზე ექიმები შაქრისა და კრიატინინის დასტაბილურებას ელოდებიან.

ცნობისთვის, 10 თებერვალს, თბილისის საქალაქო სასამართლოში მამუკა ხაზარაძის, ბადრი ჯაფარიძისა და ავთანდილ წერეთლის სასამართლო პროცესია ჩანიშნული.

შეგახსენებთ, ბიზნესმენი ავთანდილ წერეთელი კლინიკა „ჰელსიკორში" 6 თებერვალს უგონო მდგომარეობაში გადაიყვანეს.