საქართველოს საელჩოს ორგანიზებით, ბულგარეთის ზღვისპირა ქალაქ ვარნაში ფოტო-გამოფენა სახელწოდებით - "გამარჯობა, მე მქვია თბილისი" გაიხსნა. ამის შესახებ „ინტერპრესნიუსს“ საქართველოს საგარეო საქმეთა სამინისტროდან აცნობეს.
სამინისტროს ინფორმაციით, გამოფენაზე წარმოდგენილი ფოტოები, ქალაქის ძველი და ახალი არქიტექტურით, გამოფენის დამთვალიერებელს საშუალებას მისცემს დედაქალაქის ისტორიასა და ახლანდელ იერსახეს გაეცნოს.
ღონისძიების ფარგლებში, ბულგარეთში საქართველოს ელჩმა, თამარ ლილუაშვილმა შეხვედრა ქ. ვარნაში ქართულ დიასპორასთან და საქართველოს საპატიო კონსულთან იული ნუშევთან გამართა.
გამოფენის მონახულება დამთვალიერებლებს ქ. ვარნის არქეოლოგიურ მუზეუმში 20 მარტამდე შეეძლებათ.