მამუკა ხაზარაძე - როცა ადამიანები მოლაპარაკების მაგიდასთან სხედან, არ შეიძლება მოპირდაპირე მხარე დაიჭირო

როცა ადამიანები მოლაპარაკების მაგიდასთან სხედან, არ შეიძლება მოპირდაპირე მხარე დაიჭირო, - ამის შესახებ პოლიტიკური გაერთიანება „ლელო საქართველოსთვის“ ლიდერმა მამუკა ხაზარაძემ განაცხადა და აღნიშნა, რომ საქართველო არასდროს არ ყოფილა ამერიკელი და ევროპელი პარტნიორების მხრიდან მსგავსად მწვავე კრიტიკის სამიზნე.

„რაც შეეხება ევროპარლამენტარების ჩამოსვლას, ამ ხელისუფლებამ თავი მოიჭრა, მთელ მსოფლიოში თავი მოგვჭვრა, როგორც მატყუარა ხელისუფლებამ. როცა ადამიანები მოლაპარაკების მაგიდასთან სხედან, არ შეიძლება, მოპირდაპირე მხარე დაიჭირო, რადგან პრაქტიკულად, ამით შენ შლი მოლაპარაკებას და ეს არ იყო პარტიების შორის მოლაპარაკება. ეს იყო მოლაპარაკება, რომელიც ეხება ჩვენს ხვალინდელ დღეს, თითოეული მოქალაქის ხვალინდელ დღეს და ჩვენი ქვეყნის განვითარებას. ამ ხელისუფლებამ ბოლო 8 წლის განმავლობაში, პრაქტიკულად, ვერ დაგვამახსოვრა თავი რაიმე წარმატებული პროექტით ან განვითარებით. თვითონ ჩემი მთავარი კითხვა მათთან არის - რაში სჭირდებათ მომავალში არჩევნებში გამარჯვება? უნდა გვითხრან რა გააკეთეს 8 წლის განმავლობაში და რატომ უნდა იყვნენ ისინი მომავალში საერთოდ ხელისუფლებაში წარმოდგენილები. ეს არის დამარცხებული პარტია, ეს არის დამარცხებული იდეოლოგია, ეს არის გაკოტრებული პარტია და ახლა გაჭირვებული ხავსს ეჭიდებოდაო, დაახლოებით, ამ პროცესში არიან. ასეთ მდგომარეობაში საქართველო არ ყოფილა, როგორც ქვეყანა. არ ყოფილა ასეთი კრიტიკის ქარცეცხლში ჩვენი ამერიკელი და ევროპარტნიორების მხრიდან როგორც დღეს არის“, - განაცხადა მამუკა ხაზარაძემ.

გიორგი ანთაძე - საქართველო ვაშინგტონისა და თავისუფალი სამყაროს მთავარი სტრატეგიული პარტნიორია სამხრეთ კავკასიაში და ჩვენ ეს როლი და ფუნქცია ბოლომდე უნდა ავითვისოთ
ქართული პრესის მიმოხილვა 25.01.2021
ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
სადაზღვევო კომპანია "ევროინს ჯორჯიას" დამფუძნებელი კომპანია Eurohold, ბულგარეთში ელექტროენერგიის უდიდესი მომწოდებელი კომპანიის მფლობელი გახდა
სილქფესტი მომხმარებლებს უქმეებზე ულიმიტო ინტერნეტ და უსასრულო სასაუბრო პაკეტების გააქტიურებას სთავაზობს