„ახალი საქართველოს“ თავმჯდომარე გიორგი ვაშაძე ნიკა მელიას სოლიდარობას უცხადებს და ამბობს, რომ ნიკა მელია ღირსეულად იბრძვის ყველა სხვა პოლიტიკურ ლიდერთან ერთად.

როგორც ვაშაძე აღნიშნავს, ხელისუფლებას ეშინია, რადგან არც საერთაშორისო და არც საზოგადოების მხარდაჭერა არ აქვს, სწორედ ამიტომ ოპონენტების დაჭერით ცდილობს ძალაუფლების შენარჩუნებას.

„საარჩევნო სისტემით ხელისუფლებას ვერ ინარჩუნებენ, საერთაშორისო ასპარეზზე მთლიანად ჩამოიშალნენ, საზოგადოების მხარდაჭერა არ აქვთ და ახლა ფიქრობენ, რომ უბრალოდ ოპონენტებს ჩასვამენ ციხეში და ამით გავლენ ფონს. ეს საქართველოა, თავისუფლების მოყვარე ერია, ეს არ არის თურქმენეთი „ქართულ ოცნებას“ და რაც მთავარია ივანიშვილს მისამართი შეეშალა. ყველაფერი შეიძლება გააკეთოს ივანიშვილმა და „ქართულმა ოცნებამ“ იმიტომ, რომ ისინი არიან გავეშებულები, მარცხისგან შეშინებულები. ყველას შეიძლება რაღაც მოგვიძებნოს, მაგრამ ეს არ გაუვათ, ჩვენ ძლიერები და ერთიანები ვართ. ნიკა მელია ღირსეულად იბრძვის ყველა სხვა პოლიტიკურ ლიდერთან ერთად და ამით ვერ შეგვაშინებენ“, - განაცხადა გიორგი ვაშაძემ.

პროკურატურა ნიკა მელიას „ქართუ ბანკის“ გაკოტრების საქმეზე ედავება და 7 წლით თავისუფლების აღკვეთას ითხოვს. პროცესი 10 მარტსაა ჩანიშული.

აღნიშნულ ინფორმაციას პარტია „ახალი საქართველოს“ პრესსამსახური ავრცელებს.