ირანი დაარტყამს აშშ-სა და ისრაელს, თუკი ისინი უმცირეს შეცდომასაც კი დაუშვებენ, - ამის შესახებ ირანის რევოლუციური გვარდიის მეთაურმა ჰუსეინ სალამიმ განაცხადა.
„თუკი უმცირეს შეცდომასაც კი დაუშვებთ, ორივეს დაგარტყამთ,“- აღნიშნა გენერალ მაიორმა სალამიმ.
შეგახსენებთ, ამერიკასა და ირანს შორის ურთიერთობები განსაკუთრებით მას შემდეგ დაიძაბა, რაც 3 იანვარს, აშშ-მა ერაყის დედაქალაქის აეროპორტზე თავდასხმა განახორციელა, რა დროსაც, სხვა სამხედრო მეთაურებთან ერთად, ირანელი გენერალი, „ყუდსის ძალების“ ხელმძღვანელი ყასემ სოლეიმანი დაიღუპა.