ჰონდურასში შეიარაღებულ თავდასხმას 3 სამართალდამცველი ემსხვერპლა, 2 კი დაშავდა. ამ ინფორმაციას Reuters ავრცელებს. გამოცემის ცნობით, სამხედროების ფორმაში გამოწყობილმა 20-მდე პირმა კრიმინალური დაჯგუფების ლიდერი, ალექსანდრ მენდოზა გაათავისუფლა, რომელსაც 20 წლით თავისუფლების აღკვეთა ჰქონდა მისჯილი. პატიმრის გათავისუფლების შემდეგ მათ ადგილიდან მიმალვა მოახერხეს.

მოგვიანებით ჰონდურასის პრეზიდენტმა ხუან ორლანდო ჰერნანდესმა გაქცეული პატიმრის დაკავებაზე 80 ათასი დოლარის ოდენობით ჯილდო დააწესა.