საბჭოთა კავშირის დროს, სერიული მკვლელი ჩიკატილო იყო, რომელმაც 56 ადამიანი მოკლა. მინდა, გიგა ბოკერიას ვკითხო, ჩიკატილო „ნაციონალური მოძრაობის" წევრი რომ ყოფილიყო, ისიც პოლიტპატიმარი იქნებოდა? - ამის შესახებ ფრაქცია „ქართული ოცნება - მწვანეების" თავმჯდომარე გია გაჩეჩილაძემ განაცხადა. მისი თქმით, ვანო მერაბიშვილის შინაგან საქმეთა მინისტრობის პერიოდში განხორციელებული ოპერაციების დროს, 70-ზე მეტი ადამიანი ქუჩაში მოკლეს.
„ნაციონალური მოძრაობისა" და მისი სატელიტების მხრიდან ძალიან ბევრი უცნაური განცხადება მოვისმინე. თურმე, ვანო მერაბიშვილი პოლიპატიმარი ყოფილა. საბჭოთა კავშირის დროს, სერიული მკვლელი ჩიკატილო იყო, რომელმაც 56 ადამიანი მოკლა. ვანო მერაბიშვილი შინაგან საქმეთა მინისტრი რომ იყო, მისი ოპერაციების დროს 70-ზე მეტი ადამიანი მეტი ქუჩაში მოკლეს. მინდა, გიგა ბოკერიას ვკითხო, ჩიკატილო „ნაციონალური მოძრაობის" წევრი რომ ყოფილიყო, ისიც პოლიტპატიმარი იქნებოდა? გარკვეული მიმართულებით საგამოძიებო პროცესები მიმდინარეობს. გენერალურ პროკურატურაში 42 ათასზე მეტი საჩივარია შესული და დაველოდოთ პროცესებს“, - განაცხადა გაჩეჩილაძემ.