თბილისის ინფექციურ საავადმყოფოში მოთავსებულ ირანის სამ მოქალაქეს კორონავირუსი არ დაუდასტურდა

თბილისის ინფექციურ საავადმყოფოში მოთავსებულ ირანის სამ მოქალაქეს კორონავირუსი არ დაუდასტურდა. როგორც დაავადებათა კონტროლის ეროვნული ცენტრის ხელმძღვანელმა ამირან გამყრელიძემ ჟურნალისტებს განუცხადა, ამ პაციენტების შემდგომი კლინიკური მართვის შესახებ გადაწყვეტილებას, ალბათ, დღეს, ინფექციური საავადმყოფოს ხელმძღვანელობა მიიღებს.

"რაც შეეხება ირანიდან გუშინ ჩამოსულ მოქლაქეებს, სამი მთგანი ერთი ოჯახის წევრები არიან. შემოსვლისას იყო ტემპერატურა, რადგან ირანში უარესდება ეპიდემიური სიტუაცია კორონავორუსულ ინფექციასთან დაკავშირებით, გადაყვანილი იქნენ ინფექციურ საავადმყოფოში. მათ ჩაუტარდათ ტესტი გრიპოზულ ინფექციაზე, პასუხი უარყოფითი იყო. ასევე ჩაუტარდათ კლინიკური კვლევები, დილას აიღეს ნაცხი კორონავირუსულ ინფექციაზე და მოლეკულური კვლევები სხვადასხვა რესპირაციულ ვირუსებზე. სწორედ ნახევარი საათის წინ დამთავრდა ეს კვლევები. კორონავირუსულ ინფექციაზე პასუხი უარყოფითია", - განაცხადა გამყრელიძემ.

მან ასევე ისაუბრა გუშინ, ჩინეთიდან ჩამოყვანილ საქართველოს 34 მოქალაქეზე, რომლებიც საჩხერეში არიან გადაყვანილი. ამირან გამყრელიძე განმარტავს, რომ ისინი ჯანმრთელები არიან.

„ისინი დასაქმებულები იყვნენ ჩინეთში და საგარეო საქმეთა სამინისტროსა და ჩინეთში ჩვენი საელჩოს ინიციატივით მოხდა მათი ნებაყოფლობოთი გადმოყვანა.მათ დღეს დილით გამთენიისას დახვდა ჩვენი ეპიდემიოლოგთა ბრიგადა, კლინიცისტები. მეც ვიყავი იქ. გაიარეს თერმოსკრინინგი, ეპიდემიოლოგიური მონიტორინგი, შევსებულია სპეციალური შესაბამისი აღრიცხვის ფურცლები. მოხდა მათი იზოლირება, ანუ ორი კვირის განმავლობაში კარანტინში გადაყვანა. თუ რომელიმეს აღმოაჩნდა დამახასიათებელი რესპირაციული სიმპტომები, როგორიცაა: ხველა, სუნთქვის უკამრისობა, ქოშინი და ტემპერატურა, მაშინ, რა თქმა უნდა, ის გადაყვანილი იქნება ინფექციური საავადმყოფოს ბოქსირებულ განყოფილებაში. ჩაუტარდება კლინიკური გამოკვლევები, ლაბორატორიული დიაგნოსტიკა და შესაბამისი მართვა. ამ ეტაპზე, ხაზს ვუსვამ, რომ ისინი ჯანმრთელები არიან", - განაცხადა გამყრელიძემ.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა