ირანის უმაღლესმა ლიდერმა, აიათოლა ალი ხამენეიმ განაცხადა, რომ კორონავირუსის საფრთხეებზე გადაჭარბებული წარმოდგენით, ირანის მტრები შეეცადნენ პარასკევს საპარლამენტო არჩევნებზე ხალხი არ მისულიყო, თუმცა ეს არ გამოუვიდათ.
„ვირუსის შესახებ უარყოფითი პროპაგანდა რამდენიმე თვის წინ დაიწყო და განსაკუთრებით არჩევნების წინ გაიზარდა. მათმა მედიამ არ გაუშვა უმცირესი შანსიც კი, რომ ირანელი ამომრჩეველი გადაერწმუნებინა და გასამართლებელ საბაბად ავადმყოფობასა და ვირუსს იყენებდნენ“, - განაცხადა ხამენეიმ.
შეგახსენებთ, ირანში კორონავირუსით ორი გარდაცვლილის შესახებ ინფორმაცია არჩევნებამდე ორი დღით ადრე გავრცელდა. ირანს, 21 თებერვალს გამართული საპრეზიდენტო არჩევნების შედეგების და აქტივობის შესახებ ინფორმაცია ჯერ არ გამოუქვეყნებია. როგორც „როიტერი“ წერს, ზოგიერთი დაუზუსტებელი წყაროს ცნობით, არჩევნებზე აქტივობამ 45% შეადგინა.