თბილისი-ბათუმის მატარებელში მგზავრების მოთხოვნით ჩინეთის 3 მოქალაქეს შემოწმება ჩაუტარდა, თუმცა ვირუსის სიმპტომები არც ერთ მათგანს დაუდგინდა
ბათუმი-თბილისის მატარებლის სამ მგზავრს, რომლებიც ჩინეთის მოქალაქეები იყვნენ, ახალი კორონავირუსის არც ერთი სიმპტომი არ დაუდგინდათ და მათი გადაყვანა არ იგეგმება , - ამის შესახებ „ინტერპრესნიუსს“ სასწრაფო-სამედიცინო დახმარების სამსახურში განუცხადეს.
არსებული ინფორმაციით, მოქალაქეების შემოწმების საფუძველი მგზავრების მოთხოვნა გახდა, რომლებიც ირწმუნებოდნენ, რომ ჩინეთის მოქალაქეებს ვირუსის სიმპტომები ჰქონდათ.
სასწრაფო-სამედიცინო დახმარების სამსახურის ინფორმაციით, საეჭვო სიმპტომები მოქალაქეებს არ აღმოაჩნდათ, ისინი არ არიან რისკჯგუფში.
