იტალიაში კორონავირუსით გარდაცვლილთა რიცხვი 6-მდე გაიზარდა. ამის შესახებ „რაი ნიუსი“ იუწყება.
ვირუსის ბოლო მსხვერპლი ლომბარდიაში მცხოვრები ქალბატონი გახდა, რომელიც ბრეშის საავადმყოფოში კრემის მუნიციპალიტეტიდან გადაიყვანეს. მას ონკოლოგიური დაავადება ჰქონდა. იტალიაში ვირუსისგან გარდაცვლილი ყველა ადამიანი ასაკოვანი იყო, რომლებსაც ჯანმრთელობასთან დაკავშირებული პრობლემები ჰქონდათ.
ბოლო მონაცემებით, იტალიაში უკვე 224 ადამიანია დაინფიცირებული. იტალია მსოფლიოში კორონავირუსით დაავადებულთა რაოდენობით ჩინეთისა და სამხრეთ კორეის შემდეგ მესამე ადგილზეა.