დავით ჭიჭინაძე - მინისტრი მაჭავარიანი გამუდმებით სხვის გამბედაობაზე საუბრობს და ჟურნალისტებს „ეტიპება“ - ზოგადად კი, პასუხები არც მაჭავარიანს აქვს და არც ხელისუფლებას

მინისტრი მაჭავარიანი გამუდმებით სხვის გამბედაობაზე საუბრობს, ჟურნალისტებს „ეტიპება“, თავად კი პარლამენტში მისვლის და დეპუტატებთან შეხვედრის ერთი ადგილი არ აღმოაჩნდა, - ამის შესახებ პოლიტიკური მოძრაობა „ტრიბუნას“ ლიდერმა, დავით ჭიჭინაძემ ფინანსთა მინისტრ ივანე მაჭავარიანთან დაკავშირებით განაცხადა.

ჭიჭინაძის თქმით, თანამდებობის პირების მხრიდან სახელმწიფოსთან მიმართებაში დანაშაულებრივი ქმედებები დიდია, მინისტრების მიერ მოწოდებული ინფორმაციები კი საკმაოდ მწირი.

„ზოგადად კი, პასუხები არც მაჭავარიანს აქვს და არც ხელისუფლებას იმიტომ, რომ საკმაოდ დიდია „ჩინოვნიკების“ მხრიდან დანაშაულებრივი ქმედებები სახელმწიფოსთან მიმართებაში, მინისტრების მიერ მოწოდებული ინფორმაციები კი საკმაოდ მწირია და ამ ყველაფრის პარალელურად ქვეყანაში უმძიმესი სიტუაციაა.

მინისტრების იმპიჩმენტს რაც შეეხება, არასწორი მგონია აქცია მხოლოდ აქციისთვის, რადგან არა მგონია 76 ხმა მოგროვდეს მათ წინააღმდეგ, მითუმეტეს ასეთი „მეამბოხე“ დეპუტატების ხელში. თუმცა, იმაში დარწმუნებული ვარ, რომ მაჭავარიანმა საკუთარი საქციელით უკვე მოუწყო თავის თავს იმპიჩმენტი და მოსახლეობა მას იმ უსახური მინისტრების რიგში გადაიყვანს, რომელიც ამ ქვეყანაში მრავლად დაგვიგროვდა, ოღონდ ამის განმასხვავებელი ის იქნება, რომ არც „ერთი ადგილი“ ქონდა და ჭრელი პერანგიც ეცვა“, - განაცხადა ჭიჭინაძემ, რომლის კომენტარსაც მისი პრესსამსახური ავრცელებს.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 12.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით