საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის, ეკატერინე ტიკარაძის განცხადებით, კორონავირუსის გამო იტალიასთან მიმართებით ამ ეტაპზე დამატებითი რეგულაციების შემოღება არ იგეგმება.

როგორც უწყების ხელმძღვანელმა ჟურნალისტებთან განმარტა, „იტალიელი მგზავრები არა მხოლოდ სამშობლოში მოწმდებიან, არამედ საქართველოშიც“.

„ამ ეტაპისთვის იტალიასთან მიმართებით დამატებით რეგულაციებს არ ვგეგმავთ. ჩვენი სალჩო და ელჩი ამ მიმართულებით მუშაობენ. რამდენადაც ჩვენთვის ცნობილია, ყველა იტალიელი მგზავრი მოწმდება, როგორც იტალიაში, ასევე ისინი მოწმდებიან ჩვენი სპეციალისტების მხრიდანაც და საჭიროების შემთხვევაში, მათაც გაეწევათ ის დახმარება, რა დახმარებასაც სხვა მოქალაქეებს ვუწევთ“, - განაცხადა ტიკარაძემ.