ფოთში, რვა მარტის ხიდთან მომხდარი ავტოსაგზაო შემთხვევის შედეგად ერთი პირი დაშავდა. არსებული ინფორმაციით, ახალგაზრდა მამაკაცი, რომელიც ,,მოპედით“ მოძრაობდა მსუბუქ ავტომობილს შეეჯახა. მომხდარის შედეგად, დაშავდა ,,მოპედის“ მძღოლი. ის სასწრაფო -სამედიცინო დახმარების ბრიგადამ ქალაქის ჰოსპიტალში გადაიყვანა.

ექიმების ინფორმაციით, მისი მდგომარეობა მძიმეა.

,,პაციენტს აღენიშნება ქალა-ტვინის დახურული ტრავმა. მისი მდგომარეობა მძიმეა“, - აცხადებენ ფოთის სასწრაფო დახმარების სამსახურში.

როგორც ,,ინტერპრესნიუსს“ შსს-ში განუცხადეს, მომხდარ ფაქტზე გამოძიება სსკ-ის 276-ე მუხლის მე-2 ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც გამოიწვია ჯანმრთელობის დაზიანება.